Jaipur-Mumbai train shooting: ஜெய்ப்பூர்-மும்பை ரயில் துப்பாக்கிச் சூடு குறித்து சாட்சி பரபரப்பு வாக்குமூலம் அளித்துள்ளார்.
Jaipur-Mumbai train shooting: ஜெய்ப்பூர்-மும்பை ரயில் துப்பாக்கிச் சூடு குறித்து சாட்சி பரபரப்பு வாக்குமூலம் அளித்துள்ளார்.
Published on: September 23, 2025 at 12:19 pm
மும்பை, செப்.22, 2025: ஜெய்ப்பூர்-மும்பை ரயிலில், முன்னாள் ஆர்பிஎஃப் கான்ஸ்டபிள் சேதன்சிங் சவுத்ரி ஒருவரை இரண்டு முறை சுட்டார். இந்தத் தாக்குதல் தொடர்பாக சாட்சி ஒருவரிடமிருந்து திங்கள்கிழமை (செப்.23, 2025) மும்பை நீதிமன்றம் விசாரணை நடத்தியது. ஜூலை 31, 2023 அன்று மகாராஷ்டிராவின் பால்கர் ரயில் நிலையம் அருகே ஜெய்ப்பூர்-மும்பை சென்ட்ரல் சூப்பர்ஃபாஸ்ட் எக்ஸ்பிரஸில் உதவி சப்-இன்ஸ்பெக்டர் டிகா ராம் மீனா மற்றும் மூன்று பயணிகளை சுட்டுக் கொன்றதாக முன்னாள் ரயில்வே பாதுகாப்புப் படை (RPF) கான்ஸ்டபிள் சேதன்சிங் சவுத்ரி மீது குற்றம் சாட்டப்பட்டுள்ளது.
இந்நிலையில், ஜூலை 2023 இல் ஓடும் ரயிலில் நான்கு பேரை ஒரு ஆர்.பி.எஃப் கான்ஸ்டபிள் கொன்றதாகக் கூறப்படும் சம்பவத்தின் சாட்சி ஒருவர், திங்களன்று மும்பை நீதிமன்றத்தில், குற்றம் சாட்டப்பட்டவர் இரண்டு முறை சுட்ட பிறகு, “தாடி வைத்த” ஒரு நபர் இரத்த வெள்ளத்தில் கிடப்பதைக் கண்டதாகக் கூறினார்.
துப்பாக்கிச் சூடு நடந்த நாளில் தனது நண்பருடன் பயணம் செய்த 29 வயது சாட்சி, தனது கண்களுக்கு முன்பாக நடந்த கொடிய தாக்குதலைப் பற்றி விவரித்தார். இந்த வழக்கில், போரிவலி நீதிமன்றத்தில் கூடுதல் அமர்வு நீதிபதி ஒய்.பி. பதான் முன் வாக்குமூலம் அளித்த சாட்சி, காலை 5.30 மணியளவில் எழுந்தபோது, ஒரு நபர் ஒரு பேன்ட்ரி காரில் இருந்து ஓடி வருவதை கண்டேன் என்றார்.
இதையும் படிங்க :திருப்பதியில் ரூ.100 கோடி ஊழல்.. ஜெகன் மீது பா.ஜ.க. பரபரப்பு புகார்.. சி.சி.டி.வி காட்சிகள் வெளியீடு!
மேலும், குற்றம் சாட்டப்பட்ட ஆர்.பி.எஃப் கான்ஸ்டபிள் அவருக்குப் பின்னால் இருப்பதையும் கண்டதாகக் கூறினார். தொடர்ந்து, “நான் ஆர்.பி.எஃப் நபரிடம் (சவுத்ரி) ஏதாவது நடந்ததா என்று கேட்டேன். அவர் என்னை கோபமாகப் பார்த்தார், நான் அமைதியாக என் இருக்கையில் அமர்ந்தேன்,” என்று அவர் கூறினார்.
அந்தப் பெண் தனது தோழி கழிப்பறையைப் பயன்படுத்த விரும்புவதாகவும், ஆர்.பி.எஃப் கான்ஸ்டபிள் அதன் அருகே நின்று கொண்டிருந்ததாகவும், தனக்கு வழி விடுமாறு கேட்டபோது, அவர் தனது தோழியைப் பார்த்து முறைத்ததாகவும், அவர்கள் தங்கள் இருக்கைகளுக்குத் திரும்ப வேண்டிய கட்டாயம் ஏற்பட்டதாகவும் கூறினார்.
இந்த நிலையில், தங்கள் பெட்டியில் இரண்டு முறை சுற்றித் திரிந்த பிறகு, குற்றம் சாட்டப்பட்டவர் ஒரு தாடி வைத்த நபரை அணுகி அவருடன் வாக்குவாதம் செய்யத் தொடங்கினார். பின்னர் அவர் (சவுத்ரி) அந்த நபரை இரண்டு முறை சுட்டார், பின்னர் அந்த நபர் இரத்த வெள்ளத்தில் கிடந்தார் என்றும் கூறியுள்ளார்.
இந்த வழக்கில், இந்திய தண்டனைச் சட்டம் (ஐபிசி) பிரிவுகள் 302 (கொலை), 153-ஏ (மதம், இனம், பிறந்த இடம், வசிப்பிடம், மொழி போன்றவற்றின் அடிப்படையில் வெவ்வேறு குழுக்களிடையே பகைமையை ஊக்குவித்தல்) மற்றும் பிற பிரிவுகளின் கீழ் சவுத்ரி மீது குற்றம் சாட்டப்பட்டுள்ளது குறிப்பிடத்தக்கது.
இதையும் படிங்க :ஒரே நேரத்தில் இரு காதல்.. லிவ்-இன் பார்ட்னர் கொலை.. உடல் ஆற்றில் வீச்சு!
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.
© 2024 dravidantimes.com – developed and designed by Thirdvizion.com
