Justice Yashwant Varma’s House: டெல்லி நீதிபதி யஷ்வந்த் வர்மா வீட்டில் பாதி எரிந்த நிலையில் பணக் கட்டுகள் இருந்தது உண்மைதான் என உச்ச நீதிமன்றம் உறுதிப்படுத்தியுள்ளது.
Justice Yashwant Varma’s House: டெல்லி நீதிபதி யஷ்வந்த் வர்மா வீட்டில் பாதி எரிந்த நிலையில் பணக் கட்டுகள் இருந்தது உண்மைதான் என உச்ச நீதிமன்றம் உறுதிப்படுத்தியுள்ளது.
Published on: March 23, 2025 at 8:26 am
புதுடெல்லி, மார்ச் 23. 2025: டெல்லி உயர்நீதிமன்ற நீதிபதி யஷ்வந்த் வர்மாவின் வீட்டில் தீயை அணைக்கும் நடவடிக்கையின் போது மீட்கப்பட்டதாகக் கூறப்படும் எரிந்த ரூபாய் நோட்டுகளின் மூட்டைகளைக் காட்டும் வீடியோ மற்றும் புகைப்படங்களை உச்ச நீதிமன்றம் சனிக்கிழமை (மார்ச் 22 2025) வெளியிட்டது.
இந்த வீடியோவை டெல்லி காவல்துறை ஆணையர் டெல்லி உயர்நீதிமன்ற தலைமை நீதிபதியுடன் பகிர்ந்து கொண்டார். மார்ச் 14 அன்று நீதிபதி வர்மா வீட்டில் இல்லாதபோது தீ விபத்து குறித்து தெரிவிக்கப்பட்டது.
இந்தத் தீயை கட்டுப்படுத்தும் நடவடிக்கையின் போது ஒரு பெரிய பணக் குவியல் மூட்டைகள் மீட்கப்பட்டதாகக் கூறப்படுகிறது. இது பெரும் சர்ச்சையை ஏற்படுத்தியது.
தொடர்ந்து, டெல்லி உயர்நீதிமன்ற தலைமை நீதிபதி தேவேந்திர குமார் உபாத்யாயாவின் விசாரணை அறிக்கையையும் உயர் நீதிமன்றம் வெளியிட்டது. வெளியிடப்பட்ட வீடியோவில் தரையில் பணம் இருப்பதைக் காட்டுகிறது, அவற்றில் பெரும்பாலானவை எரிந்த நிலையில் காணப்படுகின்றன.
தலைமை நீதிபதி சமர்ப்பித்த அறிக்கையில், இந்த சம்பவம் மார்ச் 14 ஆம் தேதி பங்களாவில் வசிப்பவர்கள் மட்டுமே அணுகக்கூடிய ஒரு ஸ்டோர் ரூமில் நடந்தது எனத் தெரிவிக்கப்பட்டிருந்தது.
இந்த நிலையில், மார்ச் 15 ஆம் தேதி மாலை 4:50 மணியளவில் டெல்லி போலீஸ் கமிஷனரால் தலைமை நீதிபதி உபாத்யாயவுக்கு இது குறித்து தெரிவிக்கப்பட்டது.
இதையடுத்து, உயர் நீதிமன்ற பதிவாளருடன் சேர்ந்து தலைமை நீதிபதி நேரில் அந்த இடத்தைப் பார்வையிட்டார், அங்கு அவர் நீதிபதி வர்மாவையும் சந்தித்தார். இதன் அடிப்படையில் அறிக்கை தயாரிக்கப்பட்டது.
முன்னதாக, டெல்லி உயர்நீதிமன்ற தலைமை நீதிபதியின் அறிக்கையை, நீதிபதி வர்மாவின் பதில் ஆகியவற்றை ஆராய்ந்த பிறகு, தலைமை நீதிபதி, உள்ளக விசாரணை நடத்த மூன்று பேர் கொண்ட குழுவை அமைத்தார் என்பது குறிப்பிடத்தக்கது.
இதையும் படிங்க : TASMAC scam: டாஸ்மாக்கில் ரூ.1,000 கோடி முறைகேடு? மாநிலங்களவையில் பேசிய தம்பி துரை!
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.
© 2024 dravidantimes.com – developed and designed by Thirdvizion.com
