தொழிலதிபர் ரத்தன் டாட்டா மறைவு!

இந்திய தொழிலதிபர் ரத்தன் டாட்டா காலமானார். அவருக்கு வயது 86.

ரத்தன் டாட்டா

ByDravidan Times Bureau

Published on: October 10, 2024 at 1:44 am

Updated on: October 10, 2024 at 1:49 am

Ratan Tata passes away | இந்திய தொழிலதிபர் ரத்தன் டாடா, டாடா குழுமத்தை உலக அளவில் புகழ்பெற்ற நிறுவனமாக மாற்றிய பெருமைக்குரியவர். இவர், தனது 86 வயதில் காலமானார் என்று நிறுவனம் அதிகாரப்பூர்வமாக தெரிவித்துள்ளது.

முன்னதாக, மும்பையில் உள்ள மருத்துவமனையின் தீவிர சிகிச்சை பிரிவில் அனுமதிக்கப்பட்ட அவரின் உடல்நிலை புதன்கிழமை (அக்.9, 2024) இரவு மோசமானது. இந்த நிலையில் அவர் காலமானார்.

இது குறித்து நிறுவனம் ட்விட்டர் எக்ஸ் தளத்தில், “அசாதாரணமான தலைவரான திரு. ரத்தன் நேவல் டாடாவிடம் இருந்து விடைபெறுகிறோம். இது ஓர் ஆழமான இறப்பு” எனத் தெரிவித்துள்ளது.

பிரதமர் மோடி இரங்கல்

ரத்தன் டாட்டா மறைவுக்கு பிரதமர் மோடி இரங்கல் தெரிவித்துள்ளார். ட்விட்டர் எக்ஸ் தளத்தில் அவர் விடுத்துள்ள இரங்கல் செய்தியில், “நான் முதலமைச்சராக இருந்தபோது குஜராத்தில் அவரை அடிக்கடி சந்திப்பேன். பல்வேறு விவகாரங்களில் கருத்துகளை பரிமாறிக்கொண்டோம்.

அவருடைய பார்வைகள் எனக்கு மிகவும் செழுமையாக இருந்தன. நான் டெல்லிக்கு வந்தபோதும் இந்த தொடர்புகள் தொடர்ந்தன. மிகவும் வேதனை அடைந்துள்ளேன். இந்நேரத்தில் அவரது குடும்பம், நண்பர்கள் மற்றும் நலம் விரும்பிகளுக்கு என் ஆழ்ந்த இரங்கலை தெரிவித்துக் கொள்கிறேன்” எனக் கூறியுள்ளார்.