‘நான் ஜன்பத் வீட்டின் ரசிகன் அல்ல’: தந்தை மரணத்தை நினைவுகூர்ந்த ராகுல் காந்தி!

Rahul Gandhi | நான் டெல்லி நம்பர் 10 ஜன்பத் வீட்டின் ரசிகன் அல்ல என மக்களவை எதிர்க்கட்சித் தலைவர் ராகுல் காந்தி கூறினார்.

ராகுல் காந்தி

ByDravidan Times Bureau

Published on: November 1, 2024 at 8:31 pm

Updated on: November 1, 2024 at 8:35 pm

Rahul Gandhi | டெல்லி லோட்யன்ஸ்-யில் உள்ள 10 ஜன்பத் பங்களாவில் இன்று (நவ.1, 2024) அதிக நேரம் செலவிட்ட மக்களவை எதிர்க்கட்சித் தலைவர் ராகுல் காந்தி, அந்த வீட்டின் “பெரிய ரசிகன் அல்ல” என்று கூறினார். இதற்கு காரணம், ராகுல் காந்தி தனது தந்தையும், முன்னாள் பிரதமருமான ராஜீவ் காந்தி, 1991 மே 21ல், தமிழகத்தின் ஸ்ரீபெரும்புதூரில் படுகொலை செய்யப்பட்டபோது, 10, ஜன்பத் வீட்டில் வசித்து வந்தார்.

தீபாவளிக்கு முன்னதாக 10, ஜன்பத் இல்லத்தில் பெயிண்ட் வேலை செய்யும் தொழிலாளர்களுடன் ராகுல் காந்தி கலந்துரையாடினார். தொடர்ந்து தனது மருமகன் ரைஹான் வத்ராவிடம் பேசும்போது, “என் தந்தை இங்கே வாழ்ந்து இறந்துவிட்டார். அதனால் நான் இந்த வீட்டின் பெரிய ரசிகன் இல்லை” என்றார்.

https://twitter.com/RahulGandhi/status/1852234636421636163

ராகுல் காந்தி வெள்ளிக்கிழமை வெளியிட்ட தீபாவளி வீடியோவின் ஒரு பகுதியாக இந்த உரையாடல் பதிவு செய்யப்பட்டுள்ளது. அதில் அவர் வண்ணப்பூச்சு வேலை செய்யும் தொழிலாளர்கள் மற்றும் குயவர்கள் ஆகியோருடன் உரையாடுகிறார். ராஜீவ் காந்திக்கு 1990 இல் 10 ஜன்பத் இல்லம் ஒதுக்கப்பட்டது. ராஜிவ் காந்தியின் மரணத்துக்கு பின்னர் இந்த வீடு சோனியா காந்தியின் பெயரில் ஒதுக்கீடு செய்யப்பட்டுள்ளது.

ராகுல் காந்தி எம்.பி ஆனதில் இருந்து, அவர் துக்ளக் லேன் 12வது இல்லத்தில் வசித்து வந்தார். அவதூறு வழக்கில் அவர் தண்டனை பெற்று பதவி இழந்த நிலையில் அந்த இல்லத்தை காலி செய்யும் நிலைக்கு தள்ளப்பட்டார்.

இந்த நிலையில் ராகுல் காந்தி எண் 10 ஜன்பத் இல்லத்துக்கு மீண்டும் திரும்பினார். அவரது தகுதி நீக்கம் ரத்து செய்யப்பட்ட பின்னரும் அங்கேயே வசித்து வருகிறார். ரேபரேலியில் இருந்து மக்களவை எம்.பி.யாகப் பதவியேற்றுள்ள அவர் இன்னும் அங்கேயே வாழ்ந்து வருகிறார் என்பது குறிப்பிடத்தக்கது.

இதையும் படிங்க : 5 ஆண்டுகளில் 7 வயது அதிகரிப்பு; சர்ச்சையில் சிக்கிய ஹேமந்த் சோரன்!