Karnataka Budget 2025: கர்நாடக பட்ஜெட் 2025, தாக்கல் செய்யப்பட்டது. இதில், பெங்களூரு உள்கட்டமைப்புக்கு பெரும் உந்துதல் அளிக்கப்பட்டுள்ளது. மேலும், அரசுக்கு சொந்தமான ஒ.டி.டி. தளத்தை அமைக்கும் திட்டமும் இதில் உள்ளது.
Karnataka Budget 2025: கர்நாடக பட்ஜெட் 2025, தாக்கல் செய்யப்பட்டது. இதில், பெங்களூரு உள்கட்டமைப்புக்கு பெரும் உந்துதல் அளிக்கப்பட்டுள்ளது. மேலும், அரசுக்கு சொந்தமான ஒ.டி.டி. தளத்தை அமைக்கும் திட்டமும் இதில் உள்ளது.
Published on: March 8, 2025 at 8:14 am
பெங்களூரு, மார்ச் 8, 2025: கர்நாடக முதலமைச்சரும், நிதியமைச்சருமான சித்த ராமையா வெள்ளிக்கிழமை (மார்ச் 7, 2025) மாநில பட்ஜெட்டை தாக்கல் செய்தார். பட்ஜெட்டின் அளவு கடந்த ஆண்டு ரூ.3.71 லட்சம் கோடியாக இருந்தது.
இந்நிலையில் தற்போது, ரூ.4 லட்சம் கோடியை எட்டும் என்று எதிர்பார்க்கப்படுகிறது. மேலும், இந்தப் பட்ஜெட்டில் பெங்களூருவில் பெரிய உள்கட்டமைப்பு திட்டங்களை செயல்படுத்துவதற்காக சிறப்பு நோக்க வாகனம் (SPV) அமைக்கப்படும் எனத் தெரிவிக்கப்பட்டுள்ளது.
மேலும், பெங்களூருக்கு வழங்கப்படும் ஆண்டு மானியம் ரூ.3 ஆயிரம் கோடியில் இருந்து நடப்பு ஆண்டில் ரூ7 ஆயிரம் கோடியாக உயர்த்தப்படும் எனவும் தெரிவிக்கப்பட்டுள்ளது.
தொடர்ந்து, ‘பிராண்ட் பெங்களூரு திட்டத்தின்’ கீழ் அடுத்த 3 ஆண்டுகளில் ரூ.413 கோடி செலவில் ‘விரிவான சுகாதாரத் திட்டம்’ செயல்படுத்தப்படும் எனவும் அறிவிக்கப்பட்டுள்ளது.
இதற்கிடையில், வாகன நெரிசலைக் குறைக்க, பெங்களூரு நகரின் முக்கிய சாலைகளை சிக்னல் இல்லாத வழித்தடங்களாக மாற்ற நடவடிக்கைகள் எடுக்கப்படும் என்றும் காவேரி நிலை 6-ஐ செயல்படுத்துவதற்கான விரிவான திட்டம் தயாரிக்கப்படும் என்றும் தெரிவிக்கப்பட்டுள்ளது.
மேலும், மத்திய அரசின் அனுமதியுடன் காவிரியின் குறுக்கே மேகேதாது அணை கட்டப்படும் எனவும் தெரிவிக்கப்பட்டுள்ளது. இதனை மாநில முதலமைச்சர் சித்த ராமையா அறிவித்துள்ளார்.
மேகதாது அணை- துரைமுருகன் பதில்
கர்நாடக அரசு மேகேதாது அணை குறித்து பட்ஜட்டில் அறிவித்துள்ள நிலையில், தமிழ்நாடு அரசை மீறி மத்திய அரசால் மேகேதாது அணைக்கு ஒப்புதல் அளிக்க முடியாது என தமிழக நீர்வளத்துறை அமைச்சர் துரை முருகன் உறுதிபட தெரிவித்துள்ளார். மேலும், எந்த ரூபத்திலும் மேகதாது அணை கட்டப்பட மாட்டாது எனவும் அவர் கூறியுள்ளார்.
இதையும் படிங்க : மாதந்தோறும் வங்கிக் கணக்கில் ரூ.2500.. மகிளா சம்ரித்தி யோஜனா: எப்படி விண்ணப்பிப்பது? என்னென்ன ஆவணங்கள் தேவை?
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.
© 2024 dravidantimes.com – developed and designed by Thirdvizion.com
