இந்தியாவின் முதல் புல்லட் ரெயில்.. எப்படி இருக்கு? 60 சதவீத பணிகள் நிறைவு!

India’s First Bullet Train Update : இந்தியாவின் முதல் புல்லட் ரெயில் திட்டப் பணிகள் 60 சதவீதம் வரை நிறைவடைந்துள்ளதாக தகவல்கள் தெரிவிக்கின்றன.

புல்லட் ரயில் சுரங்கப் பாதை

BySaranya JK

Published on: May 18, 2026 at 9:14 pm

புதுடெல்லி, மே 18, 2026: இந்தியாவின் முதல் புல்லட் ரெயில் திட்டம் தற்போது மிகச் சுறுசுறுப்பான கட்டுமான நிலையில் உள்ளது. மும்பை–அகமதாபாத் 508 கி.மீ. நீள பாதையில் 50–60% பணிகள் நிறைவேற்றப்பட்டுள்ளன; முதல் கட்டம் 2027-இல் சூரத்–வாபி இடையே தொடங்க, முழு திட்டம் 2029-இல் நிறைவு பெறும் என எதிர்பார்க்கப்படுகிறது.

திட்டத்தின் தற்போதைய நிலை

மும்பை–அகமதாபாத் புல்லட் ரெயில் பாதை மொத்தம் 508 கி.மீ. நீளம் ஆகும். இதில் தற்போது 430 கி.மீ. பியர்ஸ், 341 கி.மீ. கேர்டர்கள், 174 கி.மீ. டிராக் பெட் அமைக்கப்பட்டுள்ளது. மேலும் இதில் முதல் கட்டம் சூரத்–வாபி 100 கி.மீ. பகுதி 2027-இல் திறக்கப்படும். 2028–29 காலக்கட்டத்தில் இந்தத் திட்டம் முழுமையான நிறைவு பெறும்.

திட்டத்தின் முக்கியத்துவம்

இந்தியாவின் முதல் உயர் வேக ரெயில் திட்டம் என்பதால், இது ஜப்பான், பிரான்ஸ், சீனா போன்ற நாடுகளின் தரத்தில் இந்தியாவை நிறுத்துகிறது. மேலும், இந்த ரெயில் பாதை வழியாக உள்ள நகரங்கள், தொழில்கள், வேலை வாய்ப்புகள் ஆகியவற்றில் பெரும் வளர்ச்சி ஏற்படும் என எதிர்பார்க்கப்படுகிறது.

பயணிகள் பயன்பாடு

பொதுவாக, இந்திய ரெயில்வே தினசரி 23 மில்லியன் பயணிகளை ஏற்றுகிறது; இந்நிலையில், புல்லட் ரெயில் மூலம் வேகமான, பாதுகாப்பான, நவீன பயண அனுபவம் கிடைக்கும் என்ற எதிர்பார்ப்பு ஏற்பட்டுள்ளது.

முன்னதாக, அகமதாபாத் மற்றும் மும்பைக்கு இடையிலான புல்லட் ரயில் திட்டத்தில், முக்கிய சுரங்கப்பாதை அமைக்கும் பணிகள் உள்ளிட்ட பல்வேறு முன்னேற்றங்களைச் சித்தரிக்கும் காணொளிகளை, அமைச்சர் அஸ்வினி வைஷ்ணவ் சமீபத்தில் பகிர்ந்துகொண்டார் என்பது நினைவு கூரத்தக்கது.

இதையும் படிங்க : டெல்லி மெட்ரோ லிப்டில் சிறுநீர் கழித்த முதியவர்.. பாதிக்கப்பட்ட பெண் புகார்!