ஜம்மு காஷ்மீரில் பயங்கரவாதிகள் கொடூரத் தாக்குதல்: டாக்டர் உள்பட 6 தொழிலாளர்கள் படுகொலை!

Jammu and kashmir | ஜம்மு காஷ்மீரில் மருத்துவர், 5 வெளி மாநில தொழிலாளர்களை பயங்கரவாதிகள் துப்பாக்கியால் சுட்டு கொலை செய்தனர்.

ஜம்மு காஷ்மீரில் வெளி மாநில தொழிலாளர்கள் சுட்டுக்கொலை.

Doctor and 5 migrant workers shot killed in jammu and kashmir

ByDravidan Times Bureau

Published on: October 21, 2024 at 7:13 am

Updated on: October 21, 2024 at 10:29 am

Jammu and kashmir | ஜம்மு காஷ்மீர் மாநிலம் கந்தர்பால் மாவட்டம் கஹான்ஜிர் என்ற பகுதியில் வெளி மாநில கட்டிடத் தொழிலாளர்களை நோக்கி நடத்தப்பட்ட பயங்கரவாத தாக்குதலில் 5 தொழிலாளர்கள் சுட்டுக் கொல்லப்பட்டனர்.

இந்த தாக்குதலில் உள்ளுறை சேர்ந்த மருத்துவர் ஒருவரும் சுட்டு கொலை செய்யப்பட்டுள்ளார். இந்தச் சம்பவம் நாடு தழுவிய கடும் அதிர்வலைகளை ஏற்படுத்தி உள்ளது. துப்பாக்கி உள்ளிட்ட ஆயுதங்களை தாங்கிய பயங்கரவாதிகள் வெளி மாநில தொழிலாளர்கள் தங்கி இருந்த அந்த பகுதிக்குள் புகுந்து கண் மூடித் தனமாக துப்பாக்கியால் சுட்டு படுகொலையை நிகழ்த்தியுள்ளனர்.

இந்தச் சம்பவம் குறித்து ட்விட்டர் எக்ஸ் தளத்தில் முதலமைச்சர் உமர் அப்துல்லா, ” காயம் அடைந்த தொழிலாளர்கள் விரைவில் குணமடைய பிரார்த்திக்கிறேன்” என தெரிவித்துள்ளார். இந்த தாக்குதலுக்கு கடும் கண்டனம் தெரிவித்துள்ள மத்திய அமைச்சர் நிதின் கட்கரி, ” அப்பாவி தொழிலாளர்கள் மீது நடத்தப்பட்ட இந்த கொடூரமான தாக்குதலுக்கு கடும் கண்டனங்கள்.

தாக்குதலில் பலியானவர்களுக்கு எனது ஆழ்ந்த இரங்கல்கள்” என தெரிவித்துள்ளார். புதிய அரசாங்கம் அமைந்து பத்து நாட்கள் கூட கடக்காத நிலையில் இந்த பயங்கரவாத தாக்குதல் பெரும் பரபரப்பை ஏற்படுத்தி உள்ளது.

இதையும் படிங்க : பாகிஸ்தான் பெண்ணை மணந்த பாஜக பிரமுகர் மகன்; இணையத்தில் வீடியோ வைரல்!