பள்ளியில் கேலி, கிண்டல்.. ஜெய்ப்பூரில் 4ஆம் வகுப்பு மாணவி த*கொலை.. அதிர்ச்சியூட்டும் சி.சி.டி.வி காட்சி!

Jaipur Class 4 Student Dies by Suicide : ஜெய்ப்பூரில் 4ஆம் வகுப்பு மாணவி தற்கொலை செய்துக்கொண்ட பெரும் பரிதாபத்தை ஏற்படுத்தியுள்ளது.

மாணவி தற்கொலை

BySaranya JK

Published on: July 10, 2026 at 11:24 am

ஜெய்ப்பூர், ஜூலை 10, 2026: ராஜஸ்தான் மாநிலம் ஜெய்ப்பூரில் நடந்த இந்த சம்பவம் கல்வி உலகையே அதிர்ச்சியடையச் செய்துள்ளது. ஒன்பது வயது சிறுமி தற்கொலை செய்துகொண்டதாகக் கூறப்படும் நிலையில், அவரது பெற்றோர் வெளியிட்டுள்ள புதிய சிசிடிவி காட்சிகள் பல கேள்விகளை எழுப்புகின்றன. அந்த காட்சிகளில், வகுப்பறையில் சக மாணவர்கள் தொடர்ந்து கேலி-கிண்டல் செய்ததையும், ஆசிரியர்கள் எந்தவிதமான உதவியும் வழங்காத சூழ்நிலையையும் காண முடிகிறது என்று குடும்பத்தினர் தெரிவித்துள்ளனர்.

சிறுமியின் பெற்றோர் கூறியதாவது, அவர்களின் மகள் பள்ளியில் அடிக்கடி கேலி-கிண்டலுக்கு ஆளாகி மன அழுத்தத்தில் இருந்ததாகும். இதுகுறித்து பலமுறை பள்ளி நிர்வாகத்திடம் புகார் அளித்தும், எந்த நடவடிக்கையும் எடுக்கப்படவில்லை என அவர்கள் குற்றம் சாட்டியுள்ளனர். புதிய சிசிடிவி காட்சிகள், சம்பவம் நடப்பதற்கு முன்பு வகுப்பறையில் நடந்த நிகழ்வுகளை வெளிப்படுத்துவதாக அவர்கள் வலியுறுத்துகின்றனர்.

இந்தச் சம்பவம் கல்வி நிறுவனங்களில் மாணவர்களின் மனநல பாதுகாப்பு குறித்த கேள்விகளை எழுப்பியுள்ளது. மாணவர்கள் இடையே நிகழும் கேலி-கிண்டல், துன்புறுத்தல் போன்றவற்றை தடுக்க பள்ளி நிர்வாகம் மற்றும் ஆசிரியர்கள் தீவிரமாக கவனம் செலுத்த வேண்டும் என்ற கோரிக்கை சமூக வலைதளங்களில் பரவலாக எழுந்துள்ளது. குழந்தைகளின் மனநிலை பாதிக்கப்படாமல், அவர்களுக்கு பாதுகாப்பான சூழலை உருவாக்குவது கல்வி நிறுவனங்களின் அடிப்படை பொறுப்பாகும் என்று பலர் வலியுறுத்துகின்றனர்.

ராஜஸ்தான் மாநில கல்வித் துறை இந்த சம்பவம் குறித்து விசாரணை நடத்துவதாக அறிவித்துள்ளது. சிறுமியின் பெற்றோர் நீதிக்காக போராடி வருகிறார்கள். மாணவர்களின் உயிர் பாதுகாப்பு, மனநல பாதுகாப்பு ஆகியவை பள்ளிகளில் முன்னுரிமையாகக் கருதப்பட வேண்டும் என்ற சமூகத்தின் கோரிக்கை, இந்த சம்பவத்தால் மீண்டும் வலுப்பெற்றுள்ளது.

இதையும் படிங்க : உத்தரப் பிரதேசத்தில் ஆசிரியர்களுக்கு ரூ.5 லட்சம் வரை மருத்துவம் இலவசம்.. யோகி ஆதித்யநாத்!