மன மணக்கும் மட்டன் சுக்கா; வீட்டிலேயே சிம்பிளா செய்யலாம்: எப்படி தெரியுமா?

How to make mutton chukka | சுவையான மட்டன் சுக்கா இப்படி பண்ணுங்க

மட்டன் சுக்கா

ByDravidan Times Bureau

Published on: December 1, 2024 at 8:42 am

How to make mutton chukka | காரசாரமான சுவையான மட்டன் சுக்கா எப்படி செய்யலாம் என்று பார்க்கலாம்.

தேவையான பொருட்கள்

மட்டன் – ½ கிலோ
இஞ்சி பூண்டு பேஸ்ட் – 1 டேபிள் ஸ்பூன்
மஞ்சள் தூள் -½ டீஸ்பூன்
உப்பு – தேவையான அளவு
மிளகாய் தூள் -½ டீஸ்பூன்
நல்லெண்ணெய் -2 டேபிள் ஸ்பூன்
சின்ன வெங்காயம் -1கப்
கருவேப்பிலை -1 கொத்து
கரம் மசாலா -½ டீஸ்பூன்

அரைக்க வேண்டியவை

மிளகு -1 டேபிள் ஸ்பூன்
சீரகம் -1½ டேபிள்ஸ்பூன்
மல்லி விதை -1 டேபிள் ஸ்பூன்
வர மிளகாய் – 2

செய்முறை

ஒரு குக்கரில் எண்ணெய் சேர்த்து எண்ணெய் காய்ந்ததும் அதில் இஞ்சி பூண்டு விழுது மற்றும் மஞ்சள் தூள் சேர்த்து கிளறி விட வேண்டும். அடுப்பு தீயை மீடியம் ஃப்ளேமில் வைத்துக் கொள்ளவும். இதனுடன் நன்கு கழுவி சுத்தம் செய்து வைத்த மட்டன் துண்டுகளை சேர்த்து கிளறி விட வேண்டும். பின்னர் மூடி போட்டு ஐந்து நிமிடம் வேகவிட வேண்டும். இப்போது மட்டனில் இருந்து தண்ணீர் வெளியே வந்திருக்கும் இந்த சமயம் சிறிது உப்பு மற்றும் ½ டீஸ்பூன் மிளகாய் தூள் சேர்க்க வேண்டும்.

இதனுடன் ½ கிளாஸ் தண்ணீர் சேர்த்து 8 விசில் வைத்து வேக விட வேண்டும். பின்னர் ஒரு கடாயில் மிளகு, சீரகம், மல்லி விதை மற்றும் வரமிளகாய் சேர்த்து அடுப்பு தீயை லோ ஃப்ளேமில் வைத்து பொன்னிறமாக வரும் வரை வறுக்கவும். இவை ஆறியதும் ஒரு மிக்ஸி ஜாரில் சேர்த்து அரைத்து எடுத்துக் கொள்ளவும். ஒரு கடாயில் நல்லெண்ணெய் சேர்த்து எண்ணெய் காய்ந்ததும் அதில் சிறிய துண்டுகளாக நறுக்கிய சின்ன வெங்காயம் மற்றும் கருவேப்பிலை சேர்த்து வதக்கவும்.

இதனுடன் வேக வைத்த மட்டன் துண்டுகளை சேர்த்து கிளறி விடவும். இதனுடன் அரை டீஸ்பூன் கரமசாலா மற்றும் ஏற்கனவே அரைத்து வைத்த மசாலா பொருட்களை சேர்த்து கிளறவும். இந்த தருணத்தில் உப்பு சரி பார்த்துக் கொள்ளவும். பின்னர் இதை மூடி போட்டு மூடி அடுப்பு தீயை லோ பிளேமில் வைத்து பத்து நிமிடம் வேக விட வேண்டும். சுக்காவில் எண்ணெய் பிரிந்து நல்ல மனத்துடன் மட்டன் வெந்து தயாராகி இருக்கும். இப்போது சுவையான மட்டன் சுக்கா தயார். இதை எல்லா விதமான கலவை சாதத்துடன் சேர்த்து சாப்பிட சுவையாக இருக்கும்.

இதையும் படிங்க : காரசாரமான சுவையில் கடாய் சிக்கன் ; இப்டி டிரை பண்ணி பாருங்க ; சுவை அள்ளும்!