இந்த முறை வீட்டிலேயே செஞ்சு கொடுங்க ; சுவையான கிறிஸ்மஸ் மினி கேக்

How to make mini christmas cake | குழந்தைகள் விரும்பி உண்ணக்கூடிய மினி கிறிஸ்மஸ் கேக் இப்படி பண்ணுங்க.

மினி கிறிஸ்மஸ் கேக்

ByDravidan Times Bureau

Published on: December 7, 2024 at 12:16 pm

How to make mini christmas cake | பேக்கரி சுவையில் வீட்டிலேயே கிறிஸ்மஸ் மினி கேக் எப்படி செய்யலாம் என்று பார்க்கலாம்.

தேவையான பொருட்கள்

பேரிச்சை பழம் – 8
உலர் கருப்பு திராட்சை – 100 கிராம்
கிறிஸ்மஸ் பழம் – 100 கிராம்
டூட்டி ஃப்ரூட்டி -100 கிராம்
செர்ரி பழம் – சிறிதளவு
வால்நட் -1½ கப்
மைதா -1கப்
பேக்கிங் பவுடர் -1 டீஸ்பூன்
பேக்கிங் சோடா -1 டீஸ்பூன்
உப்பு -¼ டீஸ்பூன்
நாட்டு சக்கரை -¾ கப்
உருக்கிய வெண்ணெய் -½ கப்
பால் -1 கப்
வெண்ணிலா எசன்ஸ் -1 டீஸ்பூன்
பட்டை தூள் -1 டீஸ்பூன்

செய்முறை

ஒரு பாத்திரத்தில் பேரிச்சம்பழம், உலர் திராட்சை, கிறிஸ்மஸ் பழம், டூட்டி ப்ரூட்டி, ஜெர்ரி பழம் மற்றும் சிறு துண்டுகளாக நறுக்கிய வால்நட் சேர்க்கவும். வால்நட்க்கு பதிலாக பாதம் அல்லது முந்திரி சேர்த்துக் கொள்ளலாம். பின்னர் ஒரு பாத்திரத்தின் மீது சல்லடை வைத்து அதில் மைதா, பேக்கிங் பவுடர், பேக்கிங் சோடா, உப்பு சேர்த்து சலித்து எடுத்துக் கொள்ளவும்.

பின்னர் இதனுடன் நாட்டு சர்க்கரை மற்றும் உலர் பழங்களை சேர்த்து நன்கு கலந்து விடவும். இதனுடன் உருக்கிய வெண்ணெய் சேர்த்து நன்கு கலந்து விடவும். இதனுடன் ஒரு கப் காய்த்து ஆரிய பாலை சேர்த்து மீண்டும் கலந்து விடவும். இதனுடன் வெண்ணிலா எசன்ஸ் மற்றும் பட்டைத்தூள் சேர்த்து கலந்து விடவும். மாவு மிகவும் தண்ணியாகவோ அல்லது கெட்டியாகவோ இருக்கக் கூடாது.

ஓவனை 180 டிகிரியில் 15 நிமிடங்கள் முன்கூட்டியே சூடாக்கவும். பின்னர் ஓவனில் வைக்கக்கூடிய கேக் மோல்டு பாத்திரத்தில் வெண்ணெய் தடவி தயார் செய்த கேக் கலவையை சேர்த்து ஓவனில் 150 டிகிரியில் 30 முதல் 40 நிமிடங்கள் வரை பேக் செய்து கேக் வெந்து வந்த பின்னர் கேக் மோல்டில் இருந்து எடுக்கவும். இப்போது குழந்தைகள் விரும்பி உண்ணக்கூடிய சுவையான மினி கிறிஸ்மஸ் கேக் தயார்.

இதையும் படிங்க : 2024 கிறிஸ்மஸ் ஸ்பெஷல்; வீட்டிலேயே பிளம் கேக் செய்வது எப்படி?