ஆர்.பி.ஐ வினாடி வினா போட்டி; முதல் பரிசு ரூ.10 லட்சம்: விண்ணப்பிக்க செப்.17 கடைசி தேதி!

RBI 90 Quiz | இந்திய ரிசர்வ் வங்கி (RBI), அனைத்து பிரிவுகளிலும் இளங்கலைப் படிப்பைத் தொடரும் கல்லூரி மாணவர்களுக்காக நாடு தழுவிய வினாடி வினா போட்டியை நடத்த உள்ளது.

ரிசர்வ் வங்கியின் 90வது ஆண்டு விழாவின் ஒரு பகுதியாக ஆர்பிஐ 90 வினாடி வினா போட்டி நடத்தப்படும். இதில் கலந்துகொள்ளும் விண்ணப்பதாரர்களின் விண்ணப்ப பதிவு ஆக.20 முதல் தொடங்கப்பட்டது. செப்.17ஆம் தேதி கடைசி நாளாகும்.

இது தொடர்பாக, பல்கலைக்கழக மானியக் குழு (யுஜிசி) வெளியிட்டுள்ள அறிவிப்பில், “அனைத்து உயர்கல்வி நிறுவனங்களும் இந்தத் தகவலை அந்தந்த நிறுவனங்களில் பரப்பி, இளங்கலை மாணவர்களை வினாடி-வினாவில் பங்கேற்று வெற்றிபெற ஊக்குவிக்க வேண்டும்” எனத் தெரிவிக்கப்பட்டுள்ளது.

வினாடி வினா போட்டி முதன்மையாக வரலாறு, பொருளாதாரம், நடப்பு விவகாரங்கள் போன்றவற்றில் கவனம் செலுத்தும்.

இந்தப் போட்டியில் முதல் பரிசு பெறுவோருக்கு ரிசர்வ் வங்கியால் ₹10 லட்சம் வழங்கப்படும். இந்தப் போட்டி மாணவர் சமூகத்துடன் ஈடுபாட்டை உருவாக்குவதை ரிசர்வ் வங்கி நோக்கமாகக் கொண்டுள்ளது.
இந்தப் போட்டியில் மொத்தம் 3 பரிசுகள் உள்ளன. 2ம் பரிசு ரூ.8 லட்சம் மற்றும் மூன்றாம் பரிசு ரூ.6 லட்சம் ஆகும்.

வினாடி வினா போட்டி

கட்டம் 1: ஆன்லைன்
இந்தி மற்றும் ஆங்கிலத்தில் ஆன்லைன் வினாடி வினா அடங்கும்.
மாநிலத்தில் சிறந்து விளங்கும் கல்லூரிகள் 2ஆம் கட்டத்திற்கு மாற்றப்படும்.
கட்டம் 2: (மாநில நிலை)
தேர்ந்தெடுக்கப்பட்ட கல்லூரிகள் எலிமினேஷன் சுற்றுக்குப் பிறகு மேடைப் போட்டியில் போட்டியிடும்.
இந்த சுற்றில் வெற்றி பெறுபவர் மண்டல சுற்றுக்கு செல்வார்.
கட்டம் 3 மற்றும் 4 (மண்டல மற்றும் தேசிய)
மண்டலச் சுற்றில் வெற்றி பெறும் பங்கேற்பாளர்கள் தேசிய அளவில் போட்டியிடுவார்கள்.

இதையும்ப படிங்க : பேக்கரி பொருள்கள் தயாரிப்பு பயிற்சி: தமிழ்நாடு அரசு அழைப்பு

திராவிடன் டைம்ஸின் செய்திகளை உடனுக்குடன் தெரிந்துக்கொள்ள

வாட்ஸ்அப்

ட்விட்டர் 

இன்ஸ்டாகிராம்