பி.எம். வித்யாலட்சுமி கல்வித் திட்டம்; யார் யாருக்கு கிடைக்கும்? கல்விக் கடன் தொகை எவ்வளவு?

PM-Vidyalaxmi scheme | பி.எம். வித்யாலட்சுமி திட்டத்துக்கு மத்திய அமைச்சரவை ஒப்புதல் அளித்துள்ளது.

பி.எம். வித்யாலட்சுமி கல்விக் கடன் திட்டம்

ByDravidan Times Bureau

Published on: November 9, 2024 at 11:41 am

PM-Vidyalaxmi scheme | உயர்கல்வியில் சிறந்து விளங்கும் மாணவர்களுக்கு நிதியுதவி அளிக்கும் பிரதமர்-வித்யாலட்சுமி திட்டத்திற்கு மத்திய அமைச்சரவை புதன்கிழமை (நவ.6,2024) ஒப்புதல் அளித்தது.
இந்தத் திட்டம் ஒவ்வொரு ஆண்டும் நாட்டின் சிறந்த 860 தரமான உயர்கல்வி நிறுவனங்களில் சேர்க்கை பெறும் 22 லட்சத்துக்கும் அதிகமான தகுதியுள்ள மாணவர்களுக்கு கல்விக் கடன்களை வழங்குவதை நோக்கமாகக் கொண்டுள்ளது.

அதன்படி, PM-Vidyalaxmi திட்டத்தின் கீழ், மாணவர்கள் பிணையில்லாத மற்றும் உத்தரவாதமில்லாத சிறப்புக் கல்விக் கடன்களைப் பெறலாம். விண்ணப்ப செயல்முறை எளிமையானதாகவும், அணுகக்கூடியதாகவும், மாணவர்களுக்கு ஏற்றதாகவும், முழு டிஜிட்டல் தளத்துடன் வடிவமைக்கப்பட்டுள்ளது.

இந்தத் திட்டத்தில் இந்திய அரசின் 75% கடன் உத்தரவாதத்துடன், மாணவர்கள் ரூ.7.5 லட்சம் வரை கடன் பெறலாம். மேலும், ஆண்டு வருமானம் ரூ.8 லட்சம் வரை உள்ள குடும்பங்களைச் சேர்ந்த மாணவர்கள் 3% வட்டி மானியத்துடன் ரூ.10 லட்சம் வரை கடன் பெற தகுதியுடையவர்கள் ஆவார்கள்.

தொடர்ந்து, குடும்ப ஆண்டு வருமானம் ரூ 4.5 லட்சம் வரை உள்ள மாணவர்களுக்கு ஏற்கனவே வழங்கப்பட்ட முழு வட்டி மானியத்துடன் இது கூடுதலாகும். மேலும், இந்தத் திட்டத்தில் அரசு நிறுவனங்களைச் சேர்ந்த மற்றும் தொழில்நுட்ப/தொழில்முறைப் படிப்புகளைத் தேர்ந்தெடுத்த மாணவர்களுக்கு முன்னுரிமை அளிக்கப்படும் என்றும் கூறப்படுகிறது.

தொடர்ந்து 2024-25 முதல் 2030-31 வரை ரூ. 3,600 கோடி ஒதுக்கப்பட்டுள்ளது, மேலும் இந்த காலகட்டத்தில் 7 லட்சம் புதிய மாணவர்கள் இந்த வட்டி மானியத்தின் பலனைப் பெறுவார்கள் என்று எதிர்பார்க்கப்படுகிறது.

இதையும் படிங்க டிகிரி தகுதி; ஐ.டி.பி.ஐ. வங்கியில் வேலை: உடனே விண்ணப்பிங்க!