3,306 காலி பணியிடங்கள்; அலகாபாத் உயர் நீதிமன்றத்தில் வேலை: விண்ணப்பிப்பது எப்படி?

Allahabad High Court | அலகாபாத் உயர்நீதிமன்றம் மாநிலத்தின் பல்வேறு மாவட்டங்களில் உள்ள பணிகளுக்கு வெவ்வேறு தேதிகளில் எழுத்துத் தேர்வை நடத்தும்.

அலகாபாத் உயர் நீதிமன்றம்

Allahabad High Court notified vacancies in Group C and D posts

ByDravidan Times Bureau

Published on: October 3, 2024 at 8:49 pm

Allahabad High Court |அலகாபாத் உயர்நீதிமன்றம் மாநிலத்தின் பல்வேறு மாவட்டங்களில் குரூப் சி மற்றும் டி பதவிகளில் காலியாக உள்ள பணியிடங்களை நிரப்ப அறிவிப்பு வெளியிட்டுள்ளது. ஆர்வமும் தகுதியும் உள்ளவர்கள் இப்பதவிக்கு விண்ணப்பிக்கலாம். மொத்தம் 3,306 காலியிடங்கள் அறிவிக்கப்பட்டுள்ளது. பிரிவுகளின் அடிப்படையில் காலியிடங்களின் எண்ணிக்கை மாறுபடும்.

மேலும், உயர்நீதிமன்றத்தால் பட்டியலிடப்பட்ட சாதிகள், பழங்குடியினர், பிற பிற்படுத்தப்பட்ட வகுப்பினர், பொருளாதாரத்தில் பின்தங்கிய பிரிவினர் மற்றும் உ.பி.யின் பிற பிரிவுகளின் உறுப்பினர்களுக்கான இடஒதுக்கீடு குறித்த தகவல்கள் அவ்வப்போது வெளியிடப்படும் என தெரிவிக்கப்பட்டுள்ளது.

மாநிலத்தின் பல்வேறு மாவட்டங்களில் ஒவ்வொரு பதவிக்கும் வெவ்வேறு தேதிகளில் ஆஃப்லைன் எழுத்துத் தேர்வை நடத்தும். மேலும், பதவியைப் பொறுத்து இந்தி மற்றும் ஆங்கிலம் டைபிங் தேர்வு, ஸ்டெனோகிராபி சோதனைகள் மற்றும் ஓட்டுநர் சோதனைகள் போன்றவை நடத்தப்படும்.

தேர்வு தேதி, நேரம் மற்றும் இடம் பற்றிய விவரங்கள் விண்ணப்பதாரர்களுக்கு பின்னர் ஹால் டிக்கெட் மூலம் அறிவிக்கப்படும். பதவிகளைப் பொறுத்து ஊதியம் மாறுபடும். இத்தேர்வுக்கு அக்டோபர் 4 முதல் அக்டோபர் 24 வரை அதிகாரப்பூர்வ தளத்தில் விண்ணப்பிக்கலாம். மேலும், விவரங்களுக்கு அதிகாரப்பூர்வ தளமான allahabadhighcourt.in ல் பார்த்து தெரிந்துகொள்ளலாம்.

இதையும் படிங்க