Vairamuthu met Stalin | தமிழக முதலமைச்சர் மு.க. ஸ்டாலினை சந்தித்து பாடலாசிரியர் வைரமுத்து பேசியுள்ளார்.
Published on: October 3, 2024 at 11:35 am
Updated on: October 3, 2024 at 12:13 pm
Vairamuthu met M K Stalin | “முதலமைச்சர் வீட்டுக் காஃபியில் நுரைகளுக்கு மேல் தெளித்திருந்த டிகாஷன் இன்னும் நறுஞ்சுவையோடு நாக்கில் இருக்கிறது” என முதலமைச்சர் மு.க. ஸ்டாலினை சந்தித்த பின்னர் வைரமுத்து கூறியுள்ளார்.
தமிழக முதலமைச்சர் மு.க. ஸ்டாலினை வைரமுத்து இன்று (அக்.3,2024) முகாம் இல்லத்தில் சந்தித்துப் பேசினார். இந்தச் சந்திப்பு குறித்து பாடலாசிரியர் வைரமுத்து ட்விட்டர் எக்ஸ் தளத்தில், ’25 நிமிடங்கள் உள்ளம் திறந்து உரையாடினோம்” எனக் கூறியுள்ளார்.
இது குறித்து வைரமுத்து,
முகாம் அலுவலகத்தில் மாண்புமிகு முதலமைச்சரை மரியாதை நிமித்தமாகச் சந்தித்தேன். அவரது அண்மைக்காலத் தொடர் வெற்றிகளுக்கு வாழ்த்துச் சொன்னேன். 25 நிமிடங்கள் உள்ளம் திறந்து உரையாடினோம். ஒரு நல்ல உரையாடல் என்பது நேர்த்தியான நெறிமுறைகள் கொண்டது. ஒரே மாதிரியான ஈடுபாடு இருவர்க்கும் வாய்க்க வேண்டும்.
அறையின் கதவுகள் பூட்டப்பட்டு இருதயத்தின் கதவுகள் திறந்திருக்க வேண்டும். ஒருவர் பேசிமுடித்து முற்றுப்புள்ளி வைக்கும் வரையில் அதை ஊடறுக்காத உரையாடல் நாகரிகம் வேண்டும். இந்த மூன்றும் உடையவர் முதலமைச்சர். அமெரிக்கா முதல் அப்பல்லோ வரையில் பிரதமர் முதல் துணைமுதல்வர் வரையில் அமைச்சரவை மாற்றம் முதல் அரசியல் விமர்சனம் வரையில்..
தாழ்ப்பாள் இல்லாத தமிழில் பல்வேறு எண்ணங்கள் பரிமாறிக்கொண்டோம். ஓர் ஆட்சியாளனுக்குரிய ஒரே ஒரு பெரும்பலம் ‘உற்சாகம்’. அந்த உற்சாகம் குறையாமல் உலா வாருங்கள் என்று வாழ்த்தி விடைகொண்டேன். முதலமைச்சர் வீட்டுக் காஃபியில் நுரைகளுக்கு மேல் தெளித்திருந்த டிகாஷன் இன்னும் நறுஞ்சுவையோடு நாக்கில் இருக்கிறது. நன்றி” எனத் தெரிவித்துள்ளார்.
இதையும் படிங்க
Director Sundar C: நடிகரும் மாநிலங்களவை எம்.பி.யுமான கமல்ஹாசன் தயாரிப்பில் சூப்பர் ஸ்டார் ரஜினிகாந்த் நடிக்கவிருந்த தலைவர் 173 படத்தில் இருந்து இயக்குனர் சுந்தர் சி விலகினார்….
Bison OTT release: மாரி செல்வராஜ் இயக்கத்தில் துருவ் விக்ரம் நடித்துள்ள பைசன் திரைப்படம் ஒ.டி.டி. தளத்தில் வெளியாகிறது….
Actor Krishna: நடிகர் கிருஷ்ணா போதைப் பொருள் பயன்படுத்திய வழக்கில் அமலாக்கத் துறை அலுவலகத்தில் ஆஜரானார்….
Dude box office collection: நடிகர் பிரதீப் ரங்கநாதனின் டியூட் படத்தின் 2ஆம் நாள் வசூல் குறித்த விவரங்கள் வெளியாகியுள்ளன….
Karakattakaran actress kanaga: தமிழ் சினிமாவின் ஒரு காலகட்டத்தில் முன்னணி நடிகையாக வலம் வந்தவர் நடிகை கனகா. இவர், ரஜினிகாந்த், மறைந்த விஜயகாந்த், சரத்குமார்,…
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.
© 2024 dravidantimes.com – developed and designed by Thirdvizion.com
