கேரள நாயகன் மம்மூட்டிக்கு பத்மபூஷண்.. உற்சாகப்படுத்திய மகன் துல்கர் சல்மான்!

Mammootty Receives Padma Bhushan : நடிகர் மம்மூட்டி பத்மபூஷண் விருதைப் பெற்றுக்கொண்டார். இந்நிகழ்வில் அவரது மகன் துல்கர் சல்மான் கலந்துகொண்டார்.

குடியரசுத் தலைவர் திரௌவுபதி முர்முவிடம் இருந்து, பத்மபூஷண் விருது பெற்ற நடிகர் மம்மூட்டி

ByThilahavathy P

Published on: June 24, 2026 at 12:31 pm

புதுடெல்லி, ஜூன் 24, 2026: பத்ம விருதுகள் 2026 வழங்கும் விழாவின் இரண்டாம் கட்ட நிகழ்வு புதுடெல்லியில் உள்ள குடியரசுத் தலைவர் மாளிகையில் செவ்வாய்க்கிழமை (ஜூன் 23, 2026) நடைபெற்றது. குடியரசுத் தலைவர் திரௌபதி முர்மு, சினிமா, இசை மற்றும் நாடகத் துறையைச் சேர்ந்த பிரபலங்களுக்கு பத்ம விபூஷண், பத்ம பூஷண் மற்றும் பத்ம ஸ்ரீ விருதுகளை வழங்கினார்.

இந்த நிகழ்வில், நடிகர் மம்மூட்டி மற்றும் பாடகி அல்கா யாக்னிக் ஆகியோர் பத்ம பூஷண் விருதைப் பெற்றனர். அதேபோல், நடிகர் ஆர். மாதவன் பத்ம ஸ்ரீ விருதைப் பெற்றார். இந்தியாவின் உயரிய குடிமை விருதுகளான பத்ம விருதுகள், தங்கள் துறைகளில் சிறப்பான பங்களிப்பு செய்தவர்களுக்கு வழங்கப்படுவது குறிப்பிடத்தக்கது.

74 வயதான மம்மூட்டி, குடியரசுத் தலைவர் மாளிகையில் நடைபெற்ற நிகழ்வில் விருதைப் பெற்றார். பிரதமர் நரேந்திர மோடி, மத்திய உள்துறை அமைச்சர் அமித் ஷா உள்ளிட்ட முக்கிய பிரமுகர்கள் முன்னிலையில் இந்த விழா நடைபெற்றது.

மம்மூட்டியின் மகனும் பிரபல நடிகருமான துல்கர் சல்மானும் இவ்விழாவில் கலந்துகொண்டார். தனது தந்தை விருதைப் பெற்றபோது, அவர் கைதட்டி உற்சாகப்படுத்திய காட்சி அனைவரையும் கவர்ந்தது.

இதையும் படிங்க : ரஜினிகாந்த் புதிய படம் ‘தர்மன்’.. இயக்குனர் யார் தெரியுமா?