5 மாதங்கள் காத்திருப்பு.. ஜனநாயகன் சி.பி.எஃப்.சி சான்றிதழ் இன்னமும் இல்லை.. படத் தயாரிப்பாளர்

Jana Nayagan CBFC Row : நடிகர் விஜயின் கடைசிப் படமாக கருதப்படும், ஜனநாயகன் திரைப்படத்துக்கு இன்னமும் சி.பி.எஃப்.சி சான்றிதழ் கிடைக்கவில்லை என்ற தகவல் வெளியாகியுள்ளது.

ஜனநாயகன் படத்தில் விஜய்

ByThilahavathy P

Published on: May 23, 2026 at 1:57 pm

சென்னை, மே 23, 2026: ஜன நாயகன் படத்தின் தயாரிப்பாளர், விஜயின் இறுதி படம் இன்னும் சி.பி.எஃப்.சி (மத்திய தணிக்கை சினிமா சான்றிதழ்) சான்றிதழ் பெறவில்லை என்று தெரிவித்துள்ளார். இந்நிலையில், படம் முடிந்து 5 மாதங்கள் கடந்தும், சான்றிதழ் வழங்கப்படாதது ரசிகர்களிடையே பெரும் ஆச்சரியத்தை ஏற்படுத்தியுள்ளது.

பொதுவாக, படங்கள் முடிந்தவுடன் சி.பி.எஃப்.சி சான்றிதழ் சில வாரங்களில் வழங்கப்படும். ஆனால் “ஜன நாயகன்” படத்திற்கு 5 மாத தாமதம் ஏற்பட்டுள்ளது. இதனால், வெளியீட்டு தேதி குறித்த குழப்பம் நிலவுகிறது. “ஜன நாயகன்” படம், நடிகர் விஜயின் இறுதி திரைப்படம் என அறிவிக்கப்பட்டுள்ளது. இந்நிலையில், ரசிகர்கள், படம் விரைவில் திரையரங்குகளில் வெளியாக வேண்டும் என எதிர்பார்க்கின்றனர்.

தயாரிப்பாளர் பேட்டி

இதற்கிடையில், ஜன நாயகன் திரைப்படத்தின் தயாரிப்பாளரான கேவிஎன் புரொடக்ஷன்ஸ் நிறுவனத்தின் வெங்கட் கே நாராயணா, வெள்ளிக்கிழமை (மே 22, 2026) மாலை செய்தியாளர்களை சந்தித்தார். அப்போது, ஜன நாயகனைப் பற்றிப் பேசுவதற்கு இது இடமல்ல.

நான் கோவில் தரிசனத்திற்காக வந்தேன். ஆனால் நான் சொன்னது போல், சான்றிதழ் வருவதற்காக நாங்கள் காத்திருக்கிறோம். அவர்கள் அதை விரைவில் வழங்குவார்கள் என்று நான் உறுதியாக நம்புகிறேன். கூடிய விரைவில் நாங்கள் படத்தை வெளியிடுவோம். வேறு எதைப் பற்றியும் பேசுவதற்கு இது இடமல்ல, நன்றி. நான் கடவுளின் ஆசீர்வாதத்தைப் பெறவே இங்கு வந்தேன்” என்றார்.

இதையும் படிங்க : கருப்பு, ரூ.200 கோடி வசூல்.. கடந்த 9 மாதங்களில் முதல் தமிழ் படம்.. சூர்யா சாதனை!