கிளம்பிய எதிர்ப்புகள்.. வசூலில் பின்தங்கிய எம்புரான்? 7 நாள்கள் கலெக்ஷன் எவ்வளவு?

Empuraan box office collection: மோகன் லாலின் எம்புரான் திரைப்படத்தின் 7 நாள்கள் வசூல் குறித்த விவரங்கள் தற்போது வெளியாகியுள்ளன.

எம்புரான் திரைப்படத்தில் மோகன் லால்

How is the 7 day L2 Empuraan box office collection

ByAkila Ramakrishnan

Published on: April 3, 2025 at 12:54 pm

பிரபல நடிகரும் இயக்குனருமான பிரித்திவிராஜ் டைரக்ஷனில், மலையாள சூப்பர் ஸ்டார் மோகன்லாலின் நடிப்பில் 2025 மார்ச் 27ஆம் தேதி திரை அரங்குகளில் பிரம்மாண்டமாக வெளியான திரைப்படம் எம்புரான். இந்தப் படத்தில் சில சர்ச்சைக்குரிய காட்சிகள் இருப்பதாக விமர்சனங்கள் எழுந்தன. குஜராத் கோத்ரா வன்முறை குறித்தும், தமிழ்நாட்டில் உள்ள முல்லைப் பெரியாறு அணை குறித்தும் சர்ச்சைக்குரிய வசனங்கள் மற்றும் காட்சிகள் இருப்பதாக குற்றச்சாட்டுகள் எழுந்தன.

இதை எடுத்து படத்தில் சில சர்ச்சைக்குரிய காட்சிகள் நீக்கப்பட்டதாக கூறப்படுகிறது. குறிப்பாக கோத்ரா ரயில் எரிப்பு வன்முறை சம்பவங்கள் தொடர்பான வன்முறை காட்சிகள் நீக்கப்பட்டதாக தெரிய வருகிறது. எனினும் முல்லைப் பெரியாறு அணை தொடர்பான சர்ச்சைக்குரிய வசனங்கள் மற்றும் காட்சிகள் நீக்கப்படவில்லை என்ற குற்றச்சாட்டு தமிழக விவசாயிகள் மத்தியில் எழுந்துள்ளது.

இதையும் படிங்க: Exclusive:சின்னத்தம்பி பட நடிகர்; யார் இவர்? அடையாளம் தெரிகிறதா?

இந்த நிலையில் படத்தின் ஏழு நாட்கள் வசூல் விவரம் தற்போது வெளியாகி உள்ளது. இந்த வசூல், படத்தின் மீது சர்ச்சை எழுந்த பின்னர் சிறிது தொய்வை சந்தித்துள்ளதாக கூறப்படுகிறது. இந்தப் படம் முதல் நாளில் ₹21 கோடி வசூல் செய்திருந்தது. வேறு எந்த மலையாள படமும் இந்த வசூலை நெருங்கவில்லை.

படத்தின் வசூல் இரண்டாம் நாளிலும் அதிகரித்து காணப்பட்டது. அந்த வகையில் இரண்டாம் நாளில் ₹11.5 கோடி வசூலும், மூன்றாம் நாளில் ₹13.25 கோடி வசூலும், நான்காம் நாளில் ₹13.65 கோடி வசூலும், ஐந்தாம் நாளில் ₹11.15 கோடி வசூலும், ஆறாம் நாளில் ₹8.55 கோடி வசூலும் பெற்றுள்ளது.

எம்புரான் திரைப்படம் திரைப்படம் குவித்துள்ள வசூலில் 31 புள்ளி 35 சதவீத வசூல் மலையாள சினிமா மூலம் கிடைத்துள்ளது. அந்த வகையில் எம்ரான் கடந்த ஏழு நாட்களில் ₹84.40 கோடி வசூலித்துள்ளது. எம்புரான் திரைப்படத்தில் மோகன்லால் ஸ்டீபன் நெடும்பள்ளி என்ற கதாபாத்திரத்தில் நடித்துள்ளார். சாயித் என்ற கதாபாத்திரத்தில் பிரித்திவிராஜ், முதலமைச்சர் ஜெத்தின் ராமதாஸ் என்ற கதாபாத்திரத்தில் டொமினோ தாமஸும் நடித்துள்ளனர்.

இதையும் படிங்க :மோகன் லாலின் புதிய படம் எம்புரான்; இதன் பொருள் தெரியுமா?