முதல் நாளிலே சதம் அடித்த ஜெயிலர்-2.. பாக்ஸ் ஆபிஸ் வசூலில் எப்படி?

Jailer 2 Box Office Collection: சூப்பர் ஸ்டார் ரஜினிகாந்த் நடிப்பில் உருவான ‘ஜெயிலர் 2’ திரைப்படம் வெளியான முதல் நாளிலேயே உலகளவில் ரூ.125.25 கோடி வசூல் செய்துள்ளதாகத் தகவல்கள் வெளியாகியுள்ளன.

ஜெயிலர் 2 ரஜினிகாந்த்

ByThilahavathy P

Published on: October 16, 2026 at 2:12 pm

சென்னை, அக்.16, 2026: சூப்பர் ஸ்டார் ரஜினிகாந்த் நடிப்பில் உருவான ‘ஜெயிலர் 2’ திரைப்படம் வெளியான முதல் நாளிலேயே உலகளவில் ரூ.125.25 கோடி வசூல் செய்துள்ளதாகத் தகவல்கள் வெளியாகியுள்ளன. நெல்சன் திலீப்குமார் இயக்கத்தில் உருவான இப்படம், அக்டோபர் 15ஆம் தேதி திரையரங்குகளில் வெளியானது.

இந்தியாவில் மட்டும் இப்படம் முதல் நாளில் ரூ.70.25 கோடி மொத்த வசூலைப் பெற்றுள்ளதாகக் கூறப்படுகிறது. இதில் வரிகளைக் கழித்த நிகர வசூல் ரூ.59.70 கோடியாகும். வெளிநாடுகளில் ரூ.55 கோடி வசூல் கிடைத்துள்ளதாகத் தகவல்கள் தெரிவிக்கின்றன.

ரஜினிகாந்துடன் ரம்யா கிருஷ்ணன், மோகன்லால், சிவராஜ்குமார், யோகி பாபு உள்ளிட்ட பலர் நடித்துள்ளனர். எஸ்.ஜே. சூர்யா, ஹிருத்திக் ரோஷன், விஜய் சேதுபதி உள்ளிட்ட நட்சத்திரங்களும் இப்படத்தில் இடம்பெற்றுள்ளனர். அனிருத் இசையமைத்துள்ளார்.

படத்தின் நகைச்சுவைக் காட்சிகள், அதிரடி சண்டைகள் மற்றும் உணர்ச்சிகரமான காட்சிகள் ரசிகர்களின் கவனத்தை ஈர்த்துள்ளதாகக் கூறப்படுகிறது. முதல் வார இறுதிக்குள் உலகளவில் ரூ.200 கோடி வசூலைத் தாண்டும் என எதிர்பார்க்கப்படுகிறது. இருப்பினும், இவை ஆரம்பகட்ட வசூல் மதிப்பீடுகள் என்பதால் அதிகாரப்பூர்வ வசூல் விவரங்களில் மாற்றம் ஏற்படலாம்.

இதையும் படிங்க : ஜெயிலர் 2 ரிலீஸ்.. தியேட்டர் சென்ற தனுஷ்!