‘சில நேரங்களில் ட்ரிங்க்ஸ் அடிப்பேன்’: மனம் திறந்து பேசிய சம்யுக்தா!

Actress Samyudha Menon: எனக்கு மன அழுத்தம் அதிகமாக இருக்கும் நேரங்களில் நான் சிறிதளவு மது அருந்துவேன் என ஓபன் ஆக பேசி உள்ளார் நடிகை சம்யுக்தா மேனன்.

நடிகை சம்யுக்தா மேனன்

Actress Samyudha Menon says she drinks alcohol sometimes

ByAkila Ramakrishnan

Published on: March 22, 2025 at 12:06 pm

மலையாள திரை உலகில் இருந்து பல நடிகைகள் தமிழ் திரையுலகில் புகுந்து பல சாதனைகளை இன்றளவும் புரிந்து கொண்டு தான் இருக்கிறார்கள். தமிழ் மார்க்கெட்டை பொருத்தவரை மலையாள நடிகைகளுக்கு எப்போதும் மவுசுதான். இந்த நிலையில் பேட்டி ஒன்றில் நடிகை சம்யுக்தா மேனன் தாம் மது அருந்துவேன் என தெரிவித்துள்ளது பெரும் பரபரப்பை ஏற்படுத்தி உள்ளது.

நடிகை சம்யுக்தா மேனனை பொருத்தமட்டில் அவருக்கு தெலுங்கு திரை உலகம் மிகப்பெரிய வெற்றிகளை கொடுத்தது. பவன் கல்யாண் உடன் இணைந்து நடித்த அவரது திரைப்படம் சூப்பர் டூப்பர் ஹிட் ஆக அமைந்தது. பவன் கல்யாணை தொடர்ந்து நடிகர் கல்யாண் ராமுடன் சமிதா நடித்தார். இந்தப் படமும் அவருக்கு வெற்றியாக அமைந்தது. இந்த நிலையில் சமீபத்திய பேட்டி ஒன்றில் தாம் சிறிதளவு ஆல்கஹால் அருந்துவதாக தெரிவித்துள்ளார்.

இது குறித்து பேசிய நடிகை சம்யுக்தா, ” நான் பொதுவாக பல்வேறு பார்ட்டிகளுக்கு செல்வேன். அங்கெல்லாம் மது அருந்துவது கிடையாது. ஆனால் நான் மன அழுத்தத்தில் அதிகளவு சிக்கித் தவிக்கும் போது சிறிதளவு ஆல்கஹால் எடுத்துக் கொள்வேன். அதுவும் எனது நெருங்கிய நண்பர்களுடன் இருக்கும்போது தான் கொஞ்சமாக ஆல்கஹால் எடுப்பேன்; இதை வெளிப்படையாக பேசுவதில் எனக்கு எந்த தயக்கமும் இல்லை” என தெரிவித்துள்ளார்.

பொதுவாக நடிகைகள் மது அருந்தினாலும் வெளிப்படையாக அது குறித்துப் பேச தயங்குவார்கள். தான் மது அருந்துவது வெளியே தெரிந்தால் தமக்கு பட வாய்ப்புகள் பறிபோய் விடுமோ எனவும் அஞ்சுவார்கள். ஆனால் விதிவிலக்காக நடிகை சம்யுக்தா மேனன் தாம் மன அழுத்தத்தில் இருக்கும் போது கொஞ்சமாக ஆல்கஹால் எடுத்துக் கொள்வேன் என துணிச்சலாக பேசியுள்ளார். இது சமூக வலைதளங்களில் வைரலாகி வருகிறது.

இதையும் படிங்க: AR Rahmans wife: ஏ.ஆர் ரஹ்மான் முன்னாள் மனைவி என அழைக்க வேண்டாம்: விவாகரத்து ஆகவில்லை.. சாய்ரா பானு!