எம்.ஆர்.எஃப் Q4 லாபம் 38% உயர்வு; விலையேற்றம் தொடரும்!

MRF Q4: எம்.ஆர்.எஃப் நிறுவனத்தின் லாபம் 38 சதவீதம் உயர்வை கண்டுள்ளது.

எம்.ஆர்.எஃப் டயர்கள்

BySaranya JK

Published on: May 8, 2026 at 11:14 am

சென்னை, மே 8, 2026: பிரபல டயர் உற்பத்தி நிறுவனமான எம்.ஆர்.எஃப் தனது 2026ம் ஆண்டின் நான்காம் காலாண்டு (Q4) நிதி முடிவுகளை வெளியிட்டுள்ளது. இதில், நிறுவனம் கடந்த ஆண்டுடன் ஒப்பிடும்போது 38% அதிக லாபத்தைப் பதிவு செய்துள்ளது. உலகளாவிய சந்தை சவால்களை எதிர்கொண்டிருந்தாலும், விற்பனை மற்றும் உற்பத்தி திறன் காரணமாக வலுவான வளர்ச்சி ஏற்பட்டதாக நிறுவனம் தெரிவித்துள்ளது.

விலை உயர்வு ஏன்?

மேலும், மத்திய கிழக்கு பிராந்தியத்தில் நிலவும் அரசியல் மற்றும் பொருளாதார சிக்கல்கள், மூலப்பொருள் விலை உயர்வை ஏற்படுத்தியுள்ளன. இதனால், உற்பத்தி செலவுகள் அதிகரித்துள்ளன. இந்த தாக்கத்தை சமாளிக்க, எம்ஆர்எஃப் தனது தயாரிப்புகளின் விலையை மேலும் உயர்த்தும் திட்டத்தை அறிவித்துள்ளது.
தொடர்ந்து, “மத்திய கிழக்கு பிராந்தியத்தில் நிலவும் சூழ்நிலை எங்கள் வணிகத்தில் தாக்கத்தை ஏற்படுத்துகிறது. அதனை சமாளிக்க விலையேற்றம் தவிர வேறு வழியில்லை. வாடிக்கையாளர்களுக்கு தரமான தயாரிப்புகளை வழங்குவதே எங்கள் முதன்மை நோக்கம்” என்று கூறியுள்ளது.

நிறுவன வளர்ச்சி

இதற்கிடையில், விலையேற்றம் குறுகிய காலத்தில் வாடிக்கையாளர்களுக்கு சுமையாக இருந்தாலும், நீண்ட காலத்தில் நிறுவனத்தின் வளர்ச்சியை உறுதிப்படுத்தும் நடவடிக்கையாக பார்க்கப்படுகிறது.

இதையும் படிங்க : என்.எஸ்.இ அறிமுகப்படுத்திய மின்னணு தங்க ரசீது.. இதன் பயன் என்ன?