5 ஆண்டு பிரிமியம் போதும், லைஃப்டைம் ரிட்டன்.. எல்.ஐ.சி-யின் இந்த ஸ்கீம் தெரியுமா?

LIC scheme: 5 ஆண்டுகளுக்கு மட்டும் பிரீமியம் செலுத்தினால், வாழ்நாள் முழுவதும் பலன்களை அளிக்கும் எல்.ஐ.சி.யின் இந்தப் பாலிசி தெரியுமா?

எல்.ஐ.சி காப்பீடு திட்டம்

BySaranya JK

Published on: September 19, 2025 at 12:31 pm

சென்னை, செப்.19, 2025: வேலை செய்வதை நிறுத்திய பிறகும், தொடர்ந்து வருமானம் பெற வேண்டும் என்று பலரும் நினைக்கிறார்கள். இந்தக் கனவை நனவாக்க, இந்திய ஆயுள் காப்பீட்டுக் கழகம் (LIC) ‘ஜீவன் உத்சவ்’ என்ற ஒரு குறிப்பிடத்தக்க புதிய பாலிசியை அறிமுகப்படுத்தியுள்ளது.

நிதிப் பாதுகாப்பை வழங்குவதற்காக வடிவமைக்கப்பட்ட இந்த ஸ்கீம், உங்கள் வாழ்க்கையில் உண்மையிலேயே ஒரு பண்டிகை உணர்வைக் கொண்டுவருகிறது என்றால் அது மிகையல்ல.

ஜீவன் உத்சவ் ஸ்கீம்

இந்த ஜீவன் உத்சவ் என்பது பங்குச் சந்தை அபாயங்களுக்கு உட்படாமல், வாழ்நாள் முழுவதும் உத்தரவாதமான நிலையான வருமானத்தை வழங்கும் ஒரு தனித்துவமான காப்பீட்டு ஸ்கீம் ஆகும்.
மேலும், இது சேமிப்பு கூறுகளைக் கொண்ட ஒரு விரிவான ஆயுள் காப்பீட்டுத் திட்டம் ஆகும். இது உங்கள் முதலீட்டில் பாதுகாப்பு மற்றும் நிலையான வருமானம் இரண்டையும் உறுதி செய்கிறது.

இதையும் படிங்க : ஹிண்டர்பர்க் அறிக்கை நிராகரிப்பு.. செபி அதிரடி.. அதானி பதில் என்ன?

பாலிசிக்கு யார் யார் விண்ணப்பிக்கலாம்?

இந்தப் பாலிசி பிறந்து 90 நாள்கள் முதல் 65 வயது வரை உள்ளவர்களுக்குக் கிடைக்கிறது. உங்கள் தேவைகளுக்கு ஏற்ற பிரீமியம் செலுத்தும் காலத்தை நீங்கள் தேர்ந்தெடுக்கலாம். பாலிசியின் பிரிமீயம் காலம் 5 முதல் 16 ஆண்டுகள் வரை உள்ளது. இதில், குறைந்தபட்ச காப்பீட்டுத் தொகை ரூ. 5 லட்சம் ஆக நிர்ணயிக்கப்பட்டுள்ளது.

லைஃப்டைம் வருவாய் எப்படி?

உதாரணமாக, நீங்கள் ரூ.5 லட்சம் காப்பீட்டுத் தொகை மற்றும் 5 ஆண்டு பிரீமியக் காலத்துடன் கூடிய பாலிசியைத் தேர்வு செய்ய வேண்டும். உங்கள் வருடாந்திர பிரீமியம் ஐந்து ஆண்டு காலத்திற்கு தோராயமாக ரூ.1.16 லட்சமாக இருக்கும். இதற்குப் பிறகு, 5 ஆண்டு காத்திருப்பு காலம் (அதாவது வெயிட்டிங் பிரியட்) உள்ளது.

இதில், பாலிசி தொடங்கியதில் இருந்து 10 ஆண்டுகள் நன்மைகள் தொடங்கும். 11வது ஆண்டு முதல், காப்பீட்டுத் தொகையில் 10%, அதாவது ஒவ்வொரு ஆண்டும் ரூ.50,000 வருடாந்திர ஊதியத்தைப் பெறத் தொடங்குவீர்கள். இந்தத் திட்டத்தின் முக்கிய சிறப்பம்சம் என்னவென்றால், இந்தத் தொகை ஒவ்வொரு ஆண்டும் வாழ்நாள் முழுவதும் கிடைக்கும். விளங்கச் சொல்வதென்றால், வாழ்நாள் முழுவதும் உத்தரவாதம் அளிக்கப்பட்ட ஓய்வூதியமாகச் செயல்படுகிறது என்பது குறிப்பிடத்தக்கது.

இதையும் படிங்க : ஓராண்டு முதலீடு செய்தால் போதும்.. கன்ஃபார்ம் பெஸ்ட் ரிட்டன்.. இந்த 7 வங்கிகளை செக் பண்ணுங்க!