8.15 சதவீதம் வரை வட்டி.. சீனியர் சிட்டிசன்களுக்கு வட்டியை வாரி வழங்கும் வங்கிகள்!

Fixed deposit: 3 ஆண்டு ஃபிக்ஸட் டெபாசிட்களுக்கு 8.15 சதவீதம் வரை வட்டியை வாரி வழங்கும் வங்கிகள் குறித்து பார்க்கலாம்.

ஃபிக்ஸட் டெபாசிட் முதலீடு

BySaranya JK

Published on: October 6, 2025 at 4:09 pm

சென்னை, அக்.6, 2025: வங்கிகள் மற்றும் சிறு நிதி வங்கிகள், பொது குடிமக்களுடன் ஒப்பிடும்போது மூத்த குடிமக்களுக்கு, ஃபிக்ஸட் டெபாசிட் (FD) முதலீடுக்கு கூடுதல் வட்டி விகிதங்களை வழங்குகின்றன. அதாவது, 0.25% முதல் 0.5% வரை கூடுதல் வட்டி விகிதங்கள் கிடைக்கின்றன. இதனால், பெரும்பாலும் மூத்தக் குடிமக்கள் ஓய்வு ஆண்டுகளில் நிலையான மற்றும் வழக்கமான வருமானத்தைப் பெற ஃபிக்ஸட் டெபாசிட்களில் முதலீடு செய்கிறார்கள்.

உத்கர்ஷ் ஸ்மால் ஃபைனான்ஸ் வங்கி

உத்கர்ஷ் ஸ்மால் ஃபைனான்ஸ் வங்கி மூத்தக் குடிமக்களுக்கு 3 ஆண்டுகால ஃபிக்ஸட் டெபாசிட் முதலீடுக்கு 8.15 சதவீத வட்டியை வழங்குகின்றன.

வ.எண்	வங்கி	3 ஆண்டுகால டெபாசிட் மூத்தக் குடிமக்கள் வட்டி விகிதம் (%)
01	உத்கர்ஷ் ஸ்மால் ஃபைனான்ஸ் வங்கி	8.15
02	ஸ்லைஸ் ஸ்மால் ஃபைனான்ஸ் வங்கி	7.75
03	ஜனா ஸ்மால் ஃபைனான்ஸ் வங்கி	8
04	ஷிவாலிக் ஸ்மால் ஃபைனான்ஸ் வங்கி	7.50

இதையும் படிங்க : ஆண்டுக்கு 25 சதவீதம் ரிட்டன்.. பெஸ்ட் மிட்கேப் மியூச்சுவல் ஃபண்ட்கள்!

ஷிவாலிக் சிறு நிதி வங்கியும் அதன் மூன்று வருட நிலையான வைப்புத்தொகை காலத்திற்கு 7.50% வட்டி விகிதத்தை வழங்குகிறது. ஜனா ஸ்மால் ஃபைனான்ஸ் வங்கியை பொறுத்தமட்டில் மூத்த குடிமக்களுக்கு அதன் 2-3 வருட நிலையான வைப்புத்தொகைகளுக்கு 8% வட்டி விகிதத்தை வழங்குகிறது.

ஸ்லைஸ் ஸ்மால் ஃபைனான்ஸ் வங்கி மூத்த குடிமக்களுக்கு 18 மாதங்கள் மற்றும் 1 நாள் முதல் 3 ஆண்டுகள் வரையிலான நிலையான வைப்புத்தொகைகளுக்கு 7.75% வட்டி விகிதத்தை வழங்குகிறது. உத்கர்ஷ் சிறு நிதி வங்கி, மூத்த குடிமக்களுக்கு அதன் மூன்று வருட நிலையான வைப்புத்தொகைக்கு 8.15% வட்டி விகிதத்தை வழங்குகிறது.

(Disclaimer: ஸ்மால் ஃபைனான்ஸ் வங்கிகளில் ரூ.5 லட்சம் வரையிலான வைப்புத்தொகைகளுக்கு மட்டுமே காப்பீட்டு கடன் உத்தரவாதக் கழகத்தால் (DICGC) காப்பீடு செய்யப்படுகிறது. இது தொடர்பாக முதலீட்டாளர்கள் கேட்டு அறிந்துக்கொள்வது நல்லது.)

இதையும் படிங்க : ரூ.1 லட்சம் முதலீடு, ரூ.11 லட்சம் ரிட்டன்.. இந்தப் ஃபண்ட் தெரியுமா?