தித்திக்கும் தீபாவளி ; ரூ. 1600-ல் பெங்களூரு பயணம் ; ஏர் இந்தியா

Air India Express | ஏர் இந்தியா நிறுவனம் சென்னை-பெங்களூரு உட்பட குறிப்பிட்ட பகுதிகளுக்கு ரூ. 1600 க்கு விமானக் கட்டணம் அறிவித்துள்ளது.

ஏர் இந்தியா விமானம்

AI Express announces flash sale ahead of Deepavali at just Rs 1,600

ByDravidan Times Bureau

Published on: October 24, 2024 at 12:59 pm

Air India Express | தீபாவளி பண்டிகையை முன்னிட்டு, ஏர் இந்தியா நிறுவனம் சென்னை-பெங்களூரு உட்பட குறிப்பிட்ட தேர்ந்தெடுக்கப்பட்ட உள்நாட்டு வழித்தடங்களுக்கு தள்ளுபடியில் பயணக் கட்டணத்தை வழங்கும் ஃபிளாஷ் சேல் அறிவித்துள்ளது.

இந்த ஃபிளாஷ் விற்பனையில், அதிக தள்ளுபடி விலையில் ரூ. 1,606-க்கு டிக்கெட்டுகள் கிடைக்கும். நவம்பர் 1 முதல் டிசம்பர் 10 வரை பயணிக்கத் திட்டமிடுபவர்களுக்கு இது பொருந்தும்.

டாடா குரூப் ஏர்லைன்ஸின்படி, சென்னை-பெங்களூரு, கொச்சி-பெங்களூரு, கவுகாத்தி-அகர்தலா, மற்றும் விஜயவாடா-ஹைதராபாத் உள்ளிட்ட சில வழித்தடங்களுக்கு சிறப்பு கட்டண தள்ளுபடிகள் அறிவிக்கப்பட்டுள்ளன.

இந்த வழித்தடங்களில் அக்டோபர் 27-ஆம் தேதிக்கு முன் டிக்கெட் முன்பதிவு செய்யும் பயணிகளுக்கு தள்ளுபடி கட்டணம் ரூ.1,606 ஆகும். மேலும், www.airindiaexpress.com என்ற ஏர் இந்தியாவின் இணையதளத்தில் முன்பதிவு செய்பவர்கள் ரூ.1,456 மட்டுமே செலுத்த வேண்டும்.

இந்த பயணத்தில் ஒவ்வொரு பயணியும் 3 கிலோ சாமான்களை மட்டுமே எடுத்துச் செல்ல அனுமதிக்கப்படுகின்றனர். 15 கிலோ வரை கூடுதல் சாமான்களை எடுத்துச் செல்ல, பயணிகள் கூடுதலாக ரூ.1,000 கட்டணம் செலுத்த வேண்டும் என்று அறிவிக்கப்பட்டுள்ளது.

இதையும் படிங்க யுனைடெட் இந்தியா இன்சூரன்ஸ் நிறுவனத்தில் பணி: விண்ணப்பிப்பது எப்படி?