ஜாமீன் கோரும் அன்பில் மகேஷ்.. சென்னை ஐகோர்ட்டில் மனு!

Anbil Mahesh Seeks Bail : ஜாமீன் கோரி சென்னை உயர் நீதிமன்றத்தை நாடியுள்ளார் அன்பில் மகேஷ்.

அன்பில் மகேஷ்

BySaranya JK

Published on: November 12, 2026 at 9:56 pm

சென்னை, நவ.12, 2026: தனியார் பள்ளிகளுக்கு அங்கீகாரம் மற்றும் அனுமதி பெற்றுத் தருவதாகக் கூறி ரூ.100 கோடிக்கு மேல் மோசடி செய்ததாகத் தொடரப்பட்ட வழக்கில் கைது செய்யப்பட்டுள்ள முன்னாள் பள்ளிக் கல்வித்துறை அமைச்சர் அன்பில் மகேஷ், ஜாமீன் கோரி சென்னை உயர் நீதிமன்றத்தில் மனு தாக்கல் செய்துள்ளார்.

இந்த வழக்கில் கடந்த அக்டோபர் 26-ம் தேதி அன்பில் மகேஷை மத்திய குற்றப்பிரிவு போலீசார் கைது செய்தனர். இதையடுத்து, ஜாமீன் கோரி அவர் தாக்கல் செய்த மனுவை நவம்பர் 10-ம் தேதி ஊழல் தடுப்பு வழக்குகளுக்கான சிறப்பு நீதிமன்றம் தள்ளுபடி செய்தது.

வழக்கின் விசாரணை ஆரம்பக்கட்டத்தில் இருப்பதாகவும், சாட்சிகளின் வாக்குமூலங்கள் மற்றும் இதுவரை சேகரிக்கப்பட்ட ஆவணங்கள் அன்பில் மகேஷுக்கு எதிரான முதற்கட்ட ஆதாரங்களைக் காட்டுவதாகவும் கூறி சிறப்பு நீதிமன்றம் ஜாமீன் வழங்க மறுத்தது.

இதனைத் தொடர்ந்து, அன்பில் மகேஷ் தரப்பில் மூத்த வழக்கறிஞர் பி. வில்சன், சென்னை உயர் நீதிமன்ற நீதிபதி வி. லட்சுமிநாராயணன் முன்பு அவசர விசாரணை கோரி முறையிட்டார். மனு எண் வழங்கப்பட்ட பிறகு விசாரணைக்கு எடுத்துக்கொள்ளப்படும் என்றும், வழக்கை ரத்து செய்யக் கோரிய மனு மீதான விசாரணை நவம்பர் 30-ம் தேதிக்கு ஒத்திவைக்கப்பட்டுள்ளதாகவும் தெரிவிக்கப்பட்டுள்ளது.

இதையும் படிங்க : தமிழகத்தில் தொடரும் கொலைச் சம்பவங்கள்.. ஆளுநரிடம் அறிக்கை கேட்ட மத்திய அரசு!