3 நாட்களில் ரூ.145 கோடி வசூல்… சூர்யாவின் ‘சீன்’ திரைப்படம் சாதனை!

Scene Movie Box Office Collection: 3 நாட்களில் ரூ.145 கோடி வசூலித்து, சூர்யாவின் ‘சீன்’ திரைப்படம் சாதனை படைத்துள்ளது.

சீன் படத்தில் சூர்யா

ByThilahavathy P

Published on: November 10, 2026 at 1:09 pm

சென்னை, நவ.10, 2026: நடிகர் சூர்யா நடிப்பில் இயக்குநர் ஜித்து மாதவன் இயக்கியுள்ள ‘சீன்’ திரைப்படம், வெளியான மூன்றே நாட்களில் உலகளவில் ரூ.145 கோடிக்கும் அதிகமாக வசூல் செய்துள்ளதாகப் படக்குழு அறிவித்துள்ளது. தீபாவளியை முன்னிட்டு கடந்த நவம்பர் 6-ம் தேதி இப்படம் திரையரங்குகளில் வெளியானது.

ஆக்‌ஷன் மற்றும் நகைச்சுவை கலந்த கதைக்களத்தில் உருவாகியுள்ள இப்படத்தில் சூர்யா காவல்துறை அதிகாரியாக நடித்துள்ளார். நஸ்ரியா நசீம், நஸ்லென், ஆனந்தராஜ், லால் உள்ளிட்டோர் முக்கிய கதாபாத்திரங்களில் நடித்துள்ளனர். சுஷின் ஷியாம் இசையமைத்துள்ளார்.

படம் வெளியான முதல் நாளிலிருந்தே ரசிகர்களிடம் நல்ல வரவேற்பைப் பெற்றுள்ளது. குறிப்பாக, தீபாவளி விடுமுறை மற்றும் முன்பதிவில் கிடைத்த வரவேற்பு வசூல் அதிகரிக்க முக்கிய காரணமாக அமைந்துள்ளது. நவம்பர் 8-ம் தேதி மட்டும் இந்தியாவில் 6,001 காட்சிகள் திரையிடப்பட்டு ரூ.23.25 கோடி வசூலித்ததாகத் தகவல்கள் தெரிவிக்கின்றன.

மலையாள இயக்குநர் ஜித்து மாதவன் தமிழில் அறிமுகமாகும் திரைப்படம் இதுவாகும். இந்த ஆண்டில் ஏற்கெனவே வெளியான ‘கருப்பு’, ‘விஸ்வநாத் அண்ட் சன்ஸ்’ படங்களைத் தொடர்ந்து ‘சீன்’ திரைப்படமும் வசூலில் சாதனை படைத்துள்ளதால், சூர்யா ரசிகர்கள் உற்சாகமடைந்துள்ளனர்.

இதையும் படிங்க : நட்சத்திரங்களை விட கதைக்கே முக்கியத்துவம்.. இயக்குநர் சுந்தர் சி!