கேதார்நாத் ஆலயத்தில் பனிப்பொழிவு.. பக்தர்களுக்கு எச்சரிக்கை!

Kedarnath Snowfall: கேதார்நாத் ஆலயத்தில் பனிப்பொழிவு ஏற்பட்ட நிலையில், பக்தர்கள் முன்னெச்சரிக்கையுடன் இருக்க மாவட்ட நிர்வாகம் அறிவுறுத்தியுள்ளது.

கேதார்நாத் ஆலயம்

ByPushpa Gopinath

Published on: October 29, 2026 at 5:28 pm

உத்தரகாண்ட், அக்.29, 2026: உத்தரகாண்ட் மாநிலத்தில் அமைந்துள்ள புகழ்பெற்ற கேதார்நாத் தாமில் பனிப்பொழிவு ஏற்பட்டுள்ளது. இதனால் அப்பகுதியில் வெப்பநிலை கணிசமாகக் குறைந்து, கடும் குளிரான வானிலை நிலவுகிறது. இமயமலைப் பகுதியில் அமைந்துள்ள கேதார்நாத் கோயிலுக்கு வரும் பக்தர்கள் மற்றும் சுற்றுலாப் பயணிகள் இந்த வானிலை மாற்றத்தால் கூடுதல் கவனத்துடன் இருக்க வேண்டிய நிலை ஏற்பட்டுள்ளது.

பனிப்பொழிவு காரணமாகக் கோயில் அமைந்துள்ள மலைப்பகுதி முழுவதும் குளிரின் தாக்கம் அதிகரித்துள்ளது. குறிப்பாக, அதிகாலை மற்றும் இரவு நேரங்களில் வெப்பநிலை மேலும் குறையக்கூடும் என்பதால், அங்கு வரும் பக்தர்கள் தங்களின் உடல்நலத்தையும் பாதுகாப்பையும் கருத்தில் கொண்டு பயணத்தைத் திட்டமிட வேண்டும் என அறிவுறுத்தப்பட்டுள்ளது.

#WATCH | Uttarakhand | Shri Kedarnath Dham witnesses snowfall, causing a drop in temperature.

The district administration has appealed to devotees to take necessary precautions against the cold and strictly follow the guidelines issued by the administration and police in view… pic.twitter.com/c3UmjQ0mQq
— ANI (@ANI) October 29, 2026

(நன்றி:ஏ.என்.ஐ)

இதற்கிடையே, கேதார்நாத் தாமுக்கு வரும் பக்தர்கள் குளிரிலிருந்து தங்களைப் பாதுகாத்துக் கொள்ளத் தேவையான முன்னெச்சரிக்கை நடவடிக்கைகளை மேற்கொள்ள வேண்டும் என்று மாவட்ட நிர்வாகம் கேட்டுக்கொண்டுள்ளது. குளிரைத் தாங்கும் வகையிலான ஆடைகளை அணிவதுடன், தேவையான மருந்துகள் மற்றும் அடிப்படைப் பாதுகாப்புப் பொருட்களையும் உடன் எடுத்துச் செல்லுமாறு அறிவுறுத்தப்படுகிறது.

மேலும், தற்போதைய வானிலை நிலவரத்தைக் கருத்தில் கொண்டு மாவட்ட நிர்வாகம் மற்றும் காவல்துறையினர் வெளியிட்டுள்ள வழிகாட்டுதல்களைப் பக்தர்கள் கட்டாயம் பின்பற்ற வேண்டும் என வலியுறுத்தப்பட்டுள்ளது. பனிப்பொழிவு மற்றும் கடும் குளிர் நிலவும் சூழலில், அதிகாரிகளின் அறிவுறுத்தல்களுக்கு ஏற்ப பயணத்தை மேற்கொள்வதே பாதுகாப்பானது என்றும் நிர்வாகம் தெரிவித்துள்ளது.

இதையும் படிங்க : காசியில் ராஜ்நாத் சிங்.. சிவபூஜை வழிபாடு