RBI MPC October meeting: அக்டோபர் மாதம் நடைபெறவுள்ள எம்.பி.சி (MPC) கூட்டத்தில் 25 அடிப்படைப் புள்ளிகள் ரெப்போ வட்டி உயரலாம் என மோர்கன் ஸ்டான்லி கணித்துள்ளது.
RBI MPC October meeting: அக்டோபர் மாதம் நடைபெறவுள்ள எம்.பி.சி (MPC) கூட்டத்தில் 25 அடிப்படைப் புள்ளிகள் ரெப்போ வட்டி உயரலாம் என மோர்கன் ஸ்டான்லி கணித்துள்ளது.
Published on: October 1, 2026 at 12:46 pm
Updated on: October 1, 2026 at 12:47 pm
மும்பை, அக்.1, 2026: இந்திய ரிசர்வ் வங்கி (RBI) அக்டோபர் மாத நாணயக் கொள்கைக் குழு (MPC) கூட்டத்தில் ரெப்போ வட்டி விகிதத்தை 25 அடிப்படைப் புள்ளிகள் (bps) உயர்த்த வாய்ப்புள்ளதாக மோர்கன் ஸ்டான்லி நிறுவனம் கணித்துள்ளது.
அக்டோபர் 7-ம் தேதி நடைபெறவுள்ள எம்.பி.சி கூட்டம், கச்சா எண்ணெய் விலை உயர்வு, அமெரிக்க பத்திரங்களின் வட்டி விகிதங்கள் மற்றும் இந்தியாவின் மொத்த பணவீக்கம் உள்ளிட்ட காரணிகளின் பின்னணியில் நடைபெறுகிறது. இந்தச் சூழல் இந்திய ரிசர்வ் வங்கியின் அடுத்தகட்ட வட்டி விகித முடிவுகளில் முக்கிய தாக்கத்தை ஏற்படுத்தக்கூடும் என எதிர்பார்க்கப்படுகிறது.
முன்னதாக, இந்திய ரிசர்வ் வங்கியின் வட்டி உயர்வு சுழற்சி டிசம்பர் மாதத்தில் தொடங்கும் என மோர்கன் ஸ்டான்லி எதிர்பார்த்திருந்தது. ஆனால், சர்வதேச மற்றும் உள்நாட்டு பொருளாதார சூழலில் ஏற்பட்டுள்ள மாற்றங்களைத் தொடர்ந்து தனது கணிப்பை தற்போது மாற்றியுள்ளது. அதன்படி, அக்டோபர் எம்.பி.சி கூட்டத்திலேயே ரெப்போ வட்டி விகிதம் 25 பி.பி.எஸ் உயர்த்தப்படலாம் என அந்த நிறுவனம் தெரிவித்துள்ளது. அதன் பின்னர் தொடர்ந்து நடைபெறும் மூன்று எம்.பி.சி கூட்டங்களிலும் தலா 25 பி.பி.எஸ் வீதம் வட்டி உயர்த்தப்படலாம் என்றும் கணிக்கப்பட்டுள்ளது.
இந்தக் கணிப்பு நடைமுறைக்கு வந்தால், மொத்தமாக 100 அடிப்படைப் புள்ளிகள் அளவுக்கு வட்டி உயர்வு ஏற்படும். இதன் மூலம் தற்போதைய நிலையைவிட ரெப்போ வட்டி விகிதம் கணிசமாக அதிகரித்து, ஏப்ரல் 2027-க்குள் 6.25 சதவீதத்தை எட்டும் என மோர்கன் ஸ்டான்லி எதிர்பார்க்கிறது. இருப்பினும், இந்தக் கணிப்பு உறுதியான முடிவு அல்ல; இந்திய ரிசர்வ் வங்கியின் எம்.பி.சி கூட்டத்தில் எடுக்கப்படும் உண்மையான முடிவு பணவீக்கம், வளர்ச்சி, சர்வதேச சந்தை நிலவரம் உள்ளிட்ட பல்வேறு தரவுகளைப் பொறுத்தே அமையும்.
இந்நிலையில், மோர்கன் ஸ்டான்லியின் பார்வையில், எதிர்பார்க்கப்படும் வட்டி உயர்வு சுழற்சி பொருளாதாரத்தை கடுமையாக கட்டுப்படுத்தும் நோக்கிலான நடவடிக்கையாக இல்லாமல், பணவியல் கொள்கையை இயல்புநிலைக்கு மீண்டும் கொண்டு வரும் நடவடிக்கையாக இருக்கும் என்பது குறிப்பிடத்தக்கது.
இதையும் படிங்க : இந்தியாவில் பண பரிவர்த்தனை திடீர் அதிகரிப்பு.. என்ன காரணம்?
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.
© 2024 dravidantimes.com – developed and designed by Thirdvizion.com
