ராமர் வேடத்திற்கு முற்றிலும் பொருத்தமற்றவர் ரன்பீர்.. நடிகை நிகிதா

Ranbir Kapoor: “ராமர் வேடத்திற்கு முற்றிலும் பொருத்தமற்றவர் ரன்பீர்” என நடிகை நிகிதா தெரிவித்துள்ளார்.

ராமர் கதாபாத்திரத்தில் ரன்பீர்

ByThilahavathy P

Published on: August 6, 2026 at 2:06 pm

மும்பை, ஆக.6, 2026: நிதேஷ் திவாரி இயக்கத்தில் உருவாகவுள்ள ‘ராமாயணம்’ திரைப்படத்தில் ராமர் வேடத்தில் ரன்பீர் கபூர் நடிக்கத் தேர்வு செய்யப்பட்டிருப்பது கடுமையான சர்ச்சையை ஏற்படுத்தியுள்ளது. நடிகை நிகிதா ராவல், ரன்பீர் கபூரின் மாட்டிறைச்சி குறித்த பழைய கருத்துகளை சுட்டிக்காட்டி, அவர் இந்த வேடத்திற்கு முற்றிலும் பொருத்தமற்றவர் எனக் கூறியுள்ளார்.

நிகிதா, பாட்காஸ்ட் ஒன்றில் பேசியபோது, ராமர் வேடம் என்பது சாதாரண கதாபாத்திரம் அல்ல, அது கோடிக்கணக்கான மக்களின் நம்பிக்கையையும் உணர்வுகளையும் பிரதிபலிக்கும் மிகப் பெரிய பொறுப்பான வேடம் என வலியுறுத்தினார்.

ரன்பீர் கபூர் மாட்டிறைச்சி உண்பதாக வெளிப்படையாகக் கூறியதை நினைவுபடுத்திய அவர், “அருவருப்பான மற்றும் நற்பண்புகள் இல்லாத நபர்” எனக் கடுமையாக விமர்சித்தார். இப்படிப்பட்ட ஒருவரால் ராமரின் கதாபாத்திரத்தை உணர்ந்து சித்தரிக்க முடியாது என்றும் அவர் கேள்வி எழுப்பினார்.

மேலும், இப்படக்குழுவினரையும் நிகிதா ராவல் குற்றம் சாட்டினார். “மாட்டிறைச்சி உண்பதாக வெளிப்படையாகக் கூறும் ஒருவருக்கு இந்த வேடத்தை அளிப்பது, ராமரின் நம்பிக்கை மற்றும் உணர்வுகளுக்கு அவமதிப்பாகும்” என அவர் தெரிவித்தார். மத அமைப்புகள் ஏன் இதுகுறித்து குரல் எழுப்பவில்லை என்றும் அவர் கேள்வி எழுப்பினார்.

தொடர்ந்து, “யார் என்ன சொன்னாலும் சரி, மாட்டிறைச்சி உண்ணும் அந்த அருவருப்பான நபரால் ராமரின் கதாபாத்திரத்தைப் புரிந்துகொள்ளவோ அல்லது சரியாகச் சித்தரிக்கவோ முடியாது என்பதை நான் தொடர்ந்து வலியுறுத்துவேன்” என நிகிதா ராவல் உறுதியுடன் கூறினார்.

இந்த விவகாரம், ‘ராமாயணம்’ திரைப்படம் வெளியாகும் முன்பே பெரும் சர்ச்சையை கிளப்பி, சமூக வலைதளங்களில் பரபரப்பை ஏற்படுத்தியுள்ளது.

இதையும் படிங்க : சல்மான் கான், சகோதரிக்கு நீதிமன்றம் சம்மன்.. வழக்கின் பின்னணி என்ன?