CWG 2026: கிளாஸ்கோ காமன்வெல்த் போட்டியில் ஜூடோவில் இந்தியா முதல் முறையாக 2 தங்கப் பதக்கங்களை வென்றது. ஈட்டி எறிதல், டெகாத்லான், குத்துச்சண்டை உள்ளிட்ட பிரிவுகளிலும் இந்திய வீரர்கள் சிறப்பான சாதனையை பதிவு செய்துள்ளனர்.
CWG 2026: கிளாஸ்கோ காமன்வெல்த் போட்டியில் ஜூடோவில் இந்தியா முதல் முறையாக 2 தங்கப் பதக்கங்களை வென்றது. ஈட்டி எறிதல், டெகாத்லான், குத்துச்சண்டை உள்ளிட்ட பிரிவுகளிலும் இந்திய வீரர்கள் சிறப்பான சாதனையை பதிவு செய்துள்ளனர்.
Published on: August 1, 2026 at 2:45 pm
கிளாஸ்கோ, ஆகஸ்ட் 1, 2026: கிளாஸ்கோவில் நடைபெற்று வரும் காமன்வெல்த் விளையாட்டுப் போட்டியில் இந்தியா நேற்று பல்வேறு பிரிவுகளில் சிறப்பான ஆட்டத்தை வெளிப்படுத்தியது.
ஜூடோவில் அஸ்மிதா டே (48 கிலோ) மற்றும் ஹர்ஷ் சிங் (60 கிலோ) தலா ஒரு தங்கப் பதக்கம் வென்று, காமன்வெல்த் விளையாட்டில் ஜூடோ பிரிவில் இந்தியாவுக்கு முதல் தங்கப் பதக்கங்களை பெற்றுத் தந்து வரலாறு படைத்தனர். மேலும், யாமினி மவுர்யா 57 கிலோ மகளிர் பிரிவில் வெள்ளிப் பதக்கம் வென்று, ஜூடோவில் இந்தியா தனது சிறந்த காமன்வெல்த் செயல்பாட்டை பதிவு செய்தது.
தடகளத்தில், ஒலிம்பிக் சாம்பியன் நீரஜ் சோப்ரா ஆண்கள் ஈட்டி எறிதலில் 85.83 மீட்டர் தூரம் எறிந்து வெள்ளிப் பதக்கம் வென்றார். இலங்கையின் ருமேஷ் தரங்க பதிரகே 89.75 மீட்டர் எறிந்து தங்கம் வென்ற நிலையில், இந்தியாவின் யஷ்வீர் சிங் தனது தனிப்பட்ட சிறந்த 85.41 மீட்டர் முயற்சியுடன் வெண்கலப் பதக்கத்தை கைப்பற்றினார். மேலும், தேஜஸ்வின் சங்கர், டெகாத்லான் பிரிவில் வெண்கலம் வென்று, அந்தப் பிரிவில் காமன்வெல்த் போட்டியில் பதக்கம் வென்ற முதல் இந்தியர் என்ற பெருமையைப் பெற்றார்.
குத்துச்சண்டையில் இந்தியா ஆதிக்கம் செலுத்தியது. மகளிர் பிரிவில் சாக்ஷி சவுத்ரி (51 கிலோ), ப்ரீதி பவார் (54 கிலோ), ஜெய்ஸ்மின் லம்போரியா (57 கிலோ), பிரியா கங்காஸ் (60 கிலோ), அருந்ததி சவுத்ரி (70 கிலோ), லவ்லினா போர்கோஹைன் (75 கிலோ) மற்றும் ஆண்கள் பிரிவில் ஜடுமணி சிங் (55 கிலோ), சச்சின் சிவாச் (60 கிலோ), அங்குஷ் பங்கால் (80 கிலோ), நரேந்தர் பெர்வால் (90 கிலோக்கு மேல்) ஆகியோர் அரையிறுதியில் வென்று இறுதிப்போட்டிக்கு முன்னேறினர்.
லான் பவுல்ஸ் ஆண்கள் ஜோடி பிரிவில் நவ்நீத் சிங் – தினேஷ் குமார் இணை தொடர்ந்து நான்காவது வெற்றியைப் பதிவு செய்தது. மகளிர் ஒற்றையர் பிரிவில் நயன்மோனி சைக்கியா வெற்றி பெற்றார். அதேவேளையில், சைக்கிள் பந்தயத்தில் இந்திய வீரர்கள் ஏமாற்றமளித்தனர். இதுவரை இந்தியா 5 தங்கம், 12 வெள்ளி, 6 வெண்கலம் என மொத்தம் 23 பதக்கங்களுடன் பதக்கப் பட்டியலில் 10-வது இடத்தில் உள்ளது. 55 தங்கம் உட்பட 128 பதக்கங்களுடன் ஆஸ்திரேலியா முதலிடத்தில் நீடிக்கிறது.
இதையும் படிங்க :உலக மல்யுத்தத்தில் இந்தியா மிரட்டல்… ஒரே நாளில் 3 பதக்கங்கள் வென்று அசத்தல்!
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.
© 2024 dravidantimes.com – developed and designed by Thirdvizion.com
