அரைக் கிலோ கோழிக்கறி போதும்; சிக்கன் மஞ்சூரியன் இப்படி பண்ணுங்க!

How to make Chicken Manjurian | அசைவ பிரியர்கள் விரும்பி உண்ணக்கூடிய சிக்கன் மஞ்சூரியன் எப்படி செய்யலாம் என்று பார்க்கலாம்.

தேவையான பொருள்கள்

சிக்கன் – 1/2 கிலோ
சோள மாவு -2 ஸ்பூன்
அரிசி மாவு -1 ஸ்பூன்
மைதா மாவு – 1 ஸ்பூன்
மிளகாய் தூள் -1 ஸ்பூன்
கரம் மசாலா – 1/2 ஸ்பூன்
உப்பு – தேவையான அளவு
சோயா சாஸ் -1 ஸ்பூன்
இஞ்சி பூண்டு பேஸ்ட் – 1/2 ஸ்பூன்
மஞ்சள் தூள் – சிறிதளவு
சிவப்பு கலர் – சிறிதளவு
எண்ணெய் – தேவையான அளவு
பெரிய வெங்காயம் – 2
பூண்டு -10 பல்லு
இஞ்சி – 2 துண்டு
குடைமிளகாய் – 1
ரெட் சில்லி சாஸ் -1 ஸ்பூன்
டோமேட்டோ சாஸ் -1ஸ்பூன்
கிரீன் சில்லி சாஸ் -1 ஸ்பூன்
சோயா சாஸ் – 1/4 ஸ்பூன்
மல்லி இலை, கருவேப்பிலை – சிறிதளவு

செய்முறை

ஒரு பாத்திரத்தில் சிக்கன், சோள மாவு, அரிசி மாவு, மைதா மாவு, மிளகாய்த்தூள், கரம் மசாலா, சோயா சாஸ், இஞ்சி பூண்டு பேஸ்ட், மஞ்சள் தூள், சிறிதளவு சிவப்பு கலர் மற்றும் தேவையான அளவு உப்பு சேர்த்து நன்கு கலந்து 20 நிமிடங்கள் ஊற வைக்க வேண்டும். ஒரு பாத்திரத்தில் தேவையான அளவு எண்ணெய் சேர்த்து எண்ணெய் காய்ந்ததும் அதனுடன் மசாலா தடவிய சிக்கன் துண்டுகளை சேர்த்து பொரித்து எடுக்க வேண்டும்.

பின்னர் ஒரு பாத்திரத்தில் சிறிதளவு எண்ணெய் சேர்த்து எண்ணெய் காய்ந்ததும் அதில் பொடியாக நறுக்கிய பூண்டு, இஞ்சி மற்றும் சிறு துண்டுகளாக நறுக்கிய வெங்காயத்தினை சேர்த்து வதக்க வேண்டும். வெங்காயம் பாதி வெந்ததும் அதனுடன் குடைமிளகாய், ரெட் சில்லி சாஸ், டோமேட்டோ சாஸ், கிரீன் சில்லி சாஸ், சோயா சாஸ் சேர்த்து கிளறி விட வேண்டும்.

இதனுடன் சிறிது கொத்தமல்லி இலை மற்றும் கருவேப்பிலை சேர்த்து வதக்க வேண்டும். பொரித்து வைத்த சிக்கன் துண்டுகளை சேர்த்து நன்கு கலந்து விட வேண்டும். இப்பொழுது ஹோட்டல் சுவையில் சிக்கன் மஞ்சூரியன் தயார். இதை சப்பாத்தி, பரோட்டா உடன் சேர்த்து சாப்பிட சுவையாக இருக்கும்.

இதையும் படிங்க : இதோ ஏழே நிமிடத்தில் லெக் பீஸ் ரெடி: செஃப் தாமு ஸ்டைலில் இப்படி பண்ணுங்க!

திராவிடன் டைம்ஸின் செய்திகளை உடனுக்குடன் தெரிந்துக்கொள்ள

வாட்ஸ்அப்

ட்விட்டர் 

இன்ஸ்டாகிராம்