தேசிய விருது.. புறக்கணிக்கப்பட்ட மஞ்சும்மல் பாய்ஸ்..?

Chandu Salimkumar: மஞ்சுமெல் பாய்ஸ் புறக்கணித்ததற்காக தேசிய திரைப்பட விருதுகளை சந்து சலீம்குமார் விமர்சித்தார்.

நடிகர் சந்து சலீம்குமார்

ByThilahavathy P

Published on: July 20, 2026 at 12:19 pm

திருவனந்தபுரம், ஜூலை 20, 2026; தேசிய திரைப்பட விருதுகள் அறிவிக்கப்பட்டுள்ள நிலையில், மலையாளத் திரைப்படமான மஞ்சும்மல் பாய்ஸ் புறக்கணிக்கப்பட்டது குறித்து நடிகர் சந்து சலீம்குமார் கடுமையாக கருத்து தெரிவித்துள்ளார். “பல சாதாரணமான படங்கள் கௌரவிக்கப்பட்டுள்ளன, ஆனால் உண்மையில் நல்ல படங்கள் புறக்கணிக்கப்பட்டுள்ளன” என்று அவர் வலியுறுத்தினார்.

மலையாளத் திரையுலகைச் சேர்ந்தவர்கள், விருது பெற்ற படங்களை கொண்டாடும் சூழலில், மஞ்சும்மல் பாய்ஸ் போன்ற படங்கள் கவனிக்கப்படாதது ரசிகர்களிடையே அதிருப்தியை ஏற்படுத்தியுள்ளது. சலீம்குமார், “இது நடுவர் குழுவின் பார்வை குறைபாடு” என்று குற்றம்சாட்டினார்.

அவர் மேலும், “மலையாள சினிமா தொடர்ந்து தரமான படங்களை உருவாக்கி வருகிறது. ஆனால், தேசிய விருதுகளில் அவை புறக்கணிக்கப்படுவது, கலைஞர்களின் உழைப்பை மதிக்காதது” என்று கூறினார். இந்த கருத்து, சமூக வலைதளங்களில் பரவலாக விவாதிக்கப்படுகிறது.

இந்த விவகாரம், தேசிய விருது வழங்கும் முறையின் வெளிப்படைத்தன்மை குறித்து கேள்விகளை எழுப்பியுள்ளது. ரசிகர்கள் மற்றும் விமர்சகர்கள், “சிறந்த படங்களை மதிப்பிடும் போது, அரசியல் அல்லது பிராந்திய சார்பு இருக்கக்கூடாது” என்று வலியுறுத்துகின்றனர். மஞ்சும்மல் பாய்ஸ் புறக்கணிப்பு, விருதுகள் தொடர்பான விவாதத்தை மேலும் தீவிரப்படுத்தியுள்ளது.

இதையும் படிங்க; சீதை சாதாரண கதாபாத்திரம் அல்ல.. என் பாக்கியம்.. சாய் பல்லவி.!