டுராண்ட் கோப்பைத் தொடர் தொடக்கம்.. ஜனாதிபதி திரௌபதி முர்மு!

Durand Cup 2026 : புது டெல்லியில் 2026 டுராண்ட் கோப்பைத் தொடருக்கான கோப்பைகளை குடியரசுத் தலைவர் திரௌபதி முர்மு கொடியசைத்துத் தொடங்கி வைத்தார்.

டுராண்ட் கோப்பைத் தொடர் தொடக்கம்

ByPunitha Rajesh

Published on: July 7, 2026 at 4:41 pm

புதுடெல்லி, ஜூலை 7, 2026: குடியரசுத் தலைவர் முர்மு, இந்த ஆண்டு நடைபெறவுள்ள டுராண்ட் கோப்பை, குடியரசுத் தலைவர் கோப்பை மற்றும் சிம்லா கோப்பை போட்டிகளில் புதிய அணிகள் பங்கேற்கவுள்ளதாக அறிவித்தார். இலங்கை அணியொன்று பங்கேற்பது குறித்து அவர் மகிழ்ச்சி தெரிவித்ததோடு, புதிய அணிகளின் வருகை இந்த வரலாற்றுச் சிறப்புமிக்க போட்டியை மேலும் பிரபலமாக்கும் என்று குறிப்பிட்டார்.

போட்டியில் பங்கேற்கும் அனைத்து அணிகளுக்கும் வீரர்களுக்கும் அவர் வாழ்த்துகளைத் தெரிவித்தார். உண்மையான விளையாட்டு உணர்வைப் பேணிக்காக்கவும், தங்கள் சிறந்த ஆட்டத்தின் மூலம் இப்போட்டியின் பெருமையை உயர்த்தவும் வீரர்களை அவர் கேட்டுக்கொண்டார். கொல்கத்தா, குவஹாத்தி, இம்பால் மற்றும் ஷில்லாங் நகரங்களுடன், இந்த ஆண்டு ராஞ்சியிலும் டுராண்ட் கோப்பை நடத்தப்படவுள்ளது குறித்தும் அவர் மகிழ்ச்சி தெரிவித்தார்.

கால்பந்து விளையாட்டின் சமூக ஒருங்கிணைப்புத் திறனை சுட்டிக்காட்டிய குடியரசுத் தலைவர், ஒழுக்கம், உறுதிப்பாடு மற்றும் குழு உணர்வு ஆகியவற்றை ஊக்குவிப்பதன் மூலம் விளையாட்டு உணர்வு வாழ்க்கையிலும் தாக்கத்தை ஏற்படுத்துகிறது என்று கூறினார். இந்தியா கால்பந்தில் முன்னணி சக்தியாக உருவெடுக்க இன்னும் நீண்ட பயணம் மேற்கொள்ள வேண்டியுள்ளது என்றும், அதற்கான பங்களிப்பை அனைவரும் வழங்க வேண்டும் என்றும் அவர் வலியுறுத்தினார்.

நாட்டில் கால்பந்துத் திறமைகளை வளர்ப்பதற்கும் மேம்படுத்துவதற்கும் இப்போட்டி சிறந்த தளமாக அமையும் என அவர் நம்பிக்கை தெரிவித்தார். இந்நிகழ்ச்சியில் முப்படைகளின் தலைமைத் தளபதி ஜெனரல் அனில் சௌஹான், ராணுவத் தலைமைத் தளபதி ஜெனரல் தீரஜ் சேத் மற்றும் கடற்படைத் தலைமைத் தளபதி அட்மிரல் கிருஷ்ணா சுவாமிநாதன் ஆகியோரும் கலந்துகொண்டனர்.

இதையும் படிங்க : கதம் கதம்.. முடிஞ்சது முடிஞ்சு போச்சு.. ஓய்வை அறிவித்த நெய்மர்!