ஃபிஃபா உலகக் கோப்பை.. ஜோர்டானை வீழ்த்திய அல்ஜீரியா

FIFA Foot Ball 2026: ஃபிஃபா உலகக் கோப்பை போட்டியில் ஜோர்டானை 2-1 என்ற கோல் கணக்கில் வீழ்த்தியது அல்ஜீரியா; நார்வே, அர்ஜென்டினா மற்றும் பிரான்ஸ் அணிகள் 32-வது சுற்றுக்கு முன்னேறின.

ஃபிபா உலக கோப்பை

ByPunitha Rajesh

Published on: June 23, 2026 at 5:02 pm

Updated on: June 23, 2026 at 5:04 pm

நியூயார்க், ஜூன் 23, 2026: ஃபிஃபா உலகக் கோப்பையில் இன்று நடைபெற்ற ஆட்டங்களில் பல்வேறு அணிகள் வெற்றி பெற்று 32-வது சுற்றுக்குத் தகுதி பெற்றுள்ளன. அமெரிக்காவின் சாண்டா கிளாராவில் நடைபெற்ற ‘J’ பிரிவு ஆட்டத்தில், அறிமுக அணியான ஜோர்டானை அல்ஜீரியா 2-1 என்ற கோல் கணக்கில் வீழ்த்தியது.

நியூயார்க் ஸ்டேடியத்தில் நடைபெற்ற ‘I’ பிரிவு ஆட்டத்தில், நார்வே செனகலை 3-2 என்ற கோல் கணக்கில் தோற்கடித்து 32-வது சுற்றுக்குத் தகுதி பெற்றது. அதேபோல், அமெரிக்காவின் ஆர்லிங்டனில் நடைபெற்ற ‘J’ பிரிவு ஆட்டத்தில் அர்ஜென்டினா, ஆஸ்திரியாவை 2-0 என்ற கோல் கணக்கில் வீழ்த்தியது. இந்த ஆட்டத்தில் கேப்டன் லியோனல் மெஸ்ஸி இரண்டு கோல்களை அடித்து, தனது உலகக் கோப்பை கோல் எண்ணிக்கையை 18 ஆக உயர்த்தினார். இதன் மூலம், ஜெர்மனியின் மிரோஸ்லாவ் க்ளோஸின் 16 கோல்கள் என்ற சாதனையை முறியடித்து, உலகக் கோப்பை வரலாற்றில் அதிக கோல் அடித்த வீரர் என்ற பெருமையைப் பெற்றார்.

பிலடெல்பியா ஸ்டேடியத்தில் நடைபெற்ற ‘I’ பிரிவு ஆட்டத்தில் பிரான்ஸ், ஈராக்கை 3-0 என்ற கோல் கணக்கில் வீழ்த்தி நாக்-அவுட் சுற்றுக்குத் தகுதி பெற்றது. கிலியன் எம்பாப்பே இரண்டு கோல்களும், உஸ்மான் டெம்பலே மூன்றாவது கோலும் அடித்தனர்.

இந்த வெற்றிகளின் மூலம், அல்ஜீரியா, நார்வே, அர்ஜென்டினா மற்றும் பிரான்ஸ் அணிகள் 32-வது சுற்றுக்குத் தகுதி பெற்றுள்ளன. உலகக் கோப்பையின் அடுத்த கட்டத்தில் இவ்வணிகள் வலுவான போட்டியாளர்களாகத் திகழவுள்ளன.

இதையும் படிங்க அசத்தும் பிரான்ஸ்… உலகக் கோப்பை ‘ஐ’ பிரிவில் முதலிடம் பிடித்து ஆதிக்கம்!