9.44 கோடி விவசாயிகள் பயன்.. பிஎம் கிஷான் நிதி ₹18,880 கோடியை விடுவித்த பிரதமர் நரேந்திர மோடி!

PM-KISAN Scheme : பிரதமர் நரேந்திர மோடி, PM-KISAN திட்டத்தின் 23-வது தவணையாக ரூ.18,880 கோடியை நேரடிப் பயன் பரிமாற்றம் (DBT) மூலம் 9.44 கோடிக்கும் மேற்பட்ட விவசாயிகளின் வங்கிக் கணக்குகளுக்கு வழங்கினார்.

பிஎம் கிஷான் நிதி ₹18,880 கோடியை விடுவித்த பிரதமர் நரேந்திர மோடி

BySaranya JK

Published on: June 21, 2026 at 3:45 pm

கொல்கத்தா ஜூன் 21 2026; மேற்கு வங்கத்தின் ஹூக்ளி மாவட்டம் தாரகேஷ்வரில் நடைபெற்ற சிறப்பு நிகழ்ச்சியில் பிரதமர் நரேந்திர மோடி, ‘பிரதான் மந்திரி கிசான் சம்மன் நிதி’ (PM-KISAN) திட்டத்தின் 23-வது தவணைத் தொகையை வெளியிட்டார். இந்த தவணைத் தொகை நாடு முழுவதும் உள்ள விவசாயிகளுக்கு வருவாய் ஆதரவை வழங்கும் வகையில் நேரடியாக அவர்களின் வங்கிக் கணக்குகளுக்கு அனுப்பப்பட்டுள்ளது.

வேளாண்மை மற்றும் விவசாயிகள் நல அமைச்சகத்தின் தகவலின்படி, இந்த தவணைத் திட்டத்தின் கீழ் 9.44 கோடிக்கும் அதிகமான விவசாயிகள் பயனடைந்துள்ளனர். ‘நேரடிப் பயன் பரிமாற்ற’ (DBT) முறையில் ரூ. 18,880 கோடி தொகை நேரடியாக விவசாயிகளின் வங்கிக் கணக்குகளுக்கு மாற்றப்பட்டுள்ளது. இதன் மூலம், விவசாயிகளின் வாழ்க்கைத் தரத்தை உயர்த்தும் முயற்சியில் மத்திய அரசு மேலும் ஒரு முக்கியமான படியை எடுத்துள்ளது.

PM-KISAN திட்டத்தின் கீழ் தகுதியுள்ள விவசாயிகள் ஆண்டுதோறும் தலா ரூ. 2,000 வீதம் மூன்று தவணைகளில் மொத்தம் ரூ. 6,000 பெறுகின்றனர். 2019ஆம் ஆண்டு அறிமுகப்படுத்தப்பட்ட இந்தத் திட்டம், விவசாயிகளுக்கு நிலையான வருவாய் ஆதரவை வழங்கும் நோக்கத்துடன் செயல்பட்டு வருகிறது. தற்போது வழங்கப்பட்ட 23-வது தவணை, இந்தத் திட்டத்தின் தொடர்ச்சியான வெற்றியை வெளிப்படுத்துகிறது.

மத்திய வேளாண் அமைச்சர் சிவராஜ் சிங் சௌஹான், “இந்தத் திட்டம் விவசாயிகளுக்கும் கிராமப்புற சமூகங்களுக்கும் பெரும் ஊக்கமாக அமைகிறது. மேற்கு வங்கத்தில் உள்ள விவசாயிகள், கால்நடை வளர்ப்போர் மற்றும் இளைஞர்களுக்குப் பிரதமர் மோடி வளர்ச்சித் திட்டங்கள் எனும் வரலாற்றுச் சிறப்புமிக்க பரிசை வழங்கியுள்ளார்” என்று குறிப்பிட்டார்.

இதையும் படிங்க வெளிநாட்டு மதுபானங்கள், இறக்குமதி மின்சார வாகனங்கள் விலை குறைகிறதா?