ஒ.டி.டி-யில் புலனாய்வுத் திரில்லர் ராக்.. மிஸ் பண்ணீராதீங்க ரசிகர்களே!

‘Raakh’ on OTT : புலனாய்வுத் திரில்லர் திரைப்படமான ராக் ஒ.டி.டி. தளத்தில் வெளியாகிறது.

ராக் திரைப்பட காட்சி

ByThilahavathy P

Published on: June 6, 2026 at 11:54 am

மும்பை, ஜூன் 6, 2026: அலி ஃபசல், சோனாலி பெந்த்ரே, ஆமிர் பஷீர் நடித்த “ராக்” என்ற புலனாய்வுத் திரில்லர் ஜூன் 12 முதல் பிரைம் வீடியோவில் ஒளிபரப்பாகிறது. இயக்குநர் புரோசித் ராய் இயக்கிய இந்தத் தொடர், குற்றவாளியின் மனதையும், அன்றாட வாழ்வில் மறைந்திருக்கும் இருளையும் ஆராயும் ஆழமான புலனாய்வு நாடகமாக உருவாகியுள்ளது.

இரண்டு பதின்வயதினர் காணாமல் போவது, சிதைந்து போகும் குடும்பம், பதற்றத்தில் தள்ளப்படும் நகரம் ஆகியவற்றை மையமாகக் கொண்ட கதை, பரபரப்பான தேடுதல் வேட்டையையும், மன அதிர்ச்சியின் உளவியல் ஆய்வையும் ஒன்றிணைக்கிறது. இயக்குநர் புரோசித், “இது ஒரு க்ரைம் த்ரில்லர் என்பதைத் தாண்டி, மனித இயல்பின் இருண்ட உந்துதல்களை ஆராயும் படைப்பு” எனக் கூறியுள்ளார்.

அலி ஃபசல் தனது கதாபாத்திரத்தில் அமைதியான ஆக்ரோஷத்தை வெளிப்படுத்த, சோனாலி மற்றும் ஆமிர் தங்கள் நடிப்பில் தீவிரத்தையும் நிஜத்தையும் கொண்டு வந்துள்ளனர். தயாரிப்பாளர்கள், “க்ரைம் த்ரில்லர்கள் நிறைந்த சூழலில், எளிதான பதில்களை வழங்க மறுத்ததாலும், கதாபாத்திரங்களை சிக்கலான முறையில் கையாளுவதாலும் ‘ராக்’ தனித்துவம் பெறுகிறது” எனத் தெரிவித்துள்ளனர்.

இந்தத் தொடரை அனுஷா நந்தகுமார் மற்றும் சந்தீப் சாகேத் உருவாக்கி, எழுதி, இணைந்து இயக்கியுள்ளனர். வசனங்களை ஆயுஷ் திரிவேதி எழுதியுள்ளார். ‘எண்டமோல் ஷைன் இந்தியா’ பேனரில், தீபக் தார், ரிஷி நேகி, மிருணாளினி ஜெயின் மற்றும் ஷியாம் ரதி ஆகியோர் தயாரித்துள்ளனர். ‘ராக்’ தொடரின் கதை, நீதி, ஒழுக்கம் மற்றும் கடமை ஆகியவற்றால் ஏற்படும் உளவியல் பாதிப்புகளை ஆராயும் விதத்தில் அமைந்துள்ளது.

இதையும் படிங்க : போலி பாலியல் புகார் குற்றம்.. ஆண்களுக்காக குரல் கொடுத்த நடிகை ஹினா கான்!