நூறு சாமி வெளியீட்டுக்கு தயார்.. யார் அந்த இரண்டு ஹீரோக்கள்? டைரக்டர் பதில்

Vijay Antony : ‘நூறு சாமி’ தனது மனதிற்கு மிகவும் நெருக்கமான படம் என்றும், இதில் இரண்டு கதாநாயகர்கள் இருப்பார்கள் என்றும் படத்தின் டைரக்டர் தெரிவித்துள்ளார்.

நூறு சாமி படத்தில் விஜய் ஆண்டனி

ByThilahavathy P

Published on: June 6, 2026 at 11:32 am

சென்னை, ஜூன் 6, 2026: விஜய் ஆண்டனி நடிக்கும் ‘நூறு சாமி’ திரைப்படம், மத்திய திரைப்படத் தணிக்கை வாரியத்திடமிருந்து (சி.பி.எஃப்.சி) யூ/ஏ சான்றிதழைப் பெற்றுள்ளது. ‘விஜய் ஆண்டனி ஃபிலிம் கார்ப்பரேஷன்’ தயாரிக்கும் இப்படம், ஜூன் 19 அன்று உலகம் முழுவதும் திரையிடப்பட உள்ளது. இந்தப் படம் குடும்பங்களுக்காக உருவாக்கப்பட்ட உணர்ச்சிகள் நிறைந்த கதை” என தயாரிப்பு நிறுவனம் தனது ட்விட்டர் ‘எக்ஸ்’ பக்கத்தில் அறிவித்துள்ளது.

டைரக்டர் சசி இயக்கத்தில் உருவாகும் இப்படம், நிஜ வாழ்க்கைச் சம்பவங்களை அடிப்படையாகக் கொண்டதாகும். ‘பிச்சைக்காரன்’ படத்தின் மிகப்பெரிய வெற்றிக்குப் பிறகு, விஜய் ஆண்டனி மீண்டும் சசியுடன் இணைந்து நடிக்கும் படம் என்பதால் ரசிகர்களிடையே பெரும் எதிர்பார்ப்பு நிலவுகிறது.
‘நூறு சாமி’ என்ற தலைப்பு, ‘பிச்சைக்காரன்’ படத்தில் இடம்பெற்ற பிரபலமான பாடல் வரியிலிருந்து தேர்ந்தெடுக்கப்பட்டு உள்ளது.

இந்தப் படம் குறித்து டைரக்டர் சசி, ‘நூறு சாமி’ தனது மனதிற்கு மிகவும் நெருக்கமான படம் என்றும், இதில் இரண்டு கதாநாயகர்கள் இருப்பார்கள் என்றும் தெரிவித்துள்ளார். விஜய் ஆண்டனியுடன், அவரது சகோதரியின் மகனான அஜய் திஷன் இரண்டாவது கதாநாயகனாக நடிக்கிறார்.

இப்படம் குடும்பப் பின்னணியிலான உண்மைச் சம்பவங்களை மையமாகக் கொண்டிருக்கும். தாய்-மகன் பிணைப்பை வலியுறுத்தும் இப்படம், பார்வையாளர்களின் மனதைத் தொட்டுவிடும் என எதிர்பார்க்கப்படுகிறது.
இதற்கிடையில், சசி, ‘நூறு சாமி’ ‘பிச்சைக்காரன்’ படத்தின் தொடர்ச்சியாக அல்ல, முற்றிலும் தனித்துவமான கதை என உறுதிப்படுத்தியுள்ளார்.

இதையும் படிங்க : ‘ஒரு நடிகைக்கு கிடைத்த விலையுயர்ந்த அவமதிப்பு’.. பெத்தி நடிகை ஜான்வி கபூர்