தேர்தலுக்கு பிந்தைய கூட்டணி.. இப்படி ஓர் சட்ட சிக்கலா? வழக்கறிஞர் சுப்பிரமணியன்

Subramanian’s Advice to Vijay : தேர்தலுக்கு பிந்தைய கூட்டணி ஏற்படும் பட்சத்தில் பின்பற்ற வேண்டிய நடைமுறைகள் குறித்து முன்னாள் சட்டத்துறைத் தலைமை வழக்குரைஞர் கே. சுப்பிரமணியன் விளக்கியுள்ளார்.

ஆளுரை சந்தித்த விஜய்

ByJayakrishnan R

Published on: May 8, 2026 at 12:56 pm

சென்னை, மே 8, 2026: முன்னாள் சட்டத்துறைத் தலைமை வழக்குரைஞர் கே. சுப்பிரமணியன் தேர்தலுக்கு பிந்தைய கூட்டணி குறித்து சில விளக்கங்கள் அளித்துள்ளார். அதில், “தேர்தலுக்குப் பிறகு கூட்டணி அமைந்தால், அந்த கூட்டணிக் கட்சிகள் விஜயை தங்களது தலைவராகத் தேர்ந்தெடுத்து, அதன் பின்னரே அவர் ஆளுநரிடம் அரசு அமைக்க உரிமை கோர வேண்டும்” எனத் தெரிவித்துள்ளார்.

தொடர்ந்து, “கூட்டணிக் கட்சிகள் முதலில் விஜயை தலைவராகத் தேர்ந்தெடுக்க வேண்டும், பின்னர் தான் ஆளுநரிடம் அரசு அமைக்க உரிமை கோர முடியும். இது முன்னாள் ஜனாதிபதிகள் மற்றும் ஆளுநர்கள் பின்பற்றிய நடைமுறை” என்றார்.

விஜய் ஆட்சியமைப்பதில் சிக்கல்

தமிழக வெற்றிக் கழகத் தலைவர் விஜய், 108 எம்.எல்.ஏ.க்கள் மற்றும் காங்கிரசின் 5 எம்.எல்.ஏ.க்கள் ஆதரவு இருப்பதாகக் கூறியுள்ளார். ஆனால், ஆளுநர் மீதமுள்ள எம்.எல்.ஏ.க்களின் ஆதரவு கடிதங்களை கேட்கும் உரிமை பெற்றுள்ளார். உச்ச நீதிமன்ற தீர்ப்புகள் படி, அரசு அமைக்க உரிமை கோரியவருக்கு நீண்ட கால அவகாசம் வழங்கக் கூடாது; அது குதிரை வியாபாரத்துக்கு வழிவகுக்கும்.

இது குறித்து பேசிய சுப்பிரமணியன், “மோடி மீண்டும் பிரதமராக தேர்ந்தெடுக்கப்பட்டபோது, பா.ஜ.க, தெலுங்கு தேசம், ஐக்கிய ஜனதா தளம் உள்ளிட்ட கட்சிகள் கூட்டாகக் கூடி அவரை தலைவராகத் தேர்ந்தெடுத்து, பின்னர் ஜனாதிபதிக்கு கடிதம் அளித்தனர்” என்றார் என்பது குறிப்பிடத்தக்கது.

இதையும் படிங்க : விஜயை ஆட்சியமைக்க அழைக்க வேண்டும்.. தொல். திருமாவளவன்!