தமிழ்நாட்டில் ஆட்சி மாற்றம் நிகழ இளைஞர்கள் காரணம்.. சித்த ராமையா

Siddaramaiah on Tamil Nadu Polls : தமிழ்நாட்டில் ஆட்சி மாற்றம் நிகழ இளைஞர்கள்தான் காரணம் என கர்நாடக காங்கிரஸ் முதலமைச்சர் சித்த ராமையா தெரிவித்துள்ளார்.

சித்த ராமையா

BySaranya JK

Published on: May 5, 2026 at 3:35 pm

பெங்களூரு, மே 5, 2026: தமிழ்நாட்டில் ஆளுங்கட்சியாக இருந்த தி.மு.க. ஆட்சியை இழந்துள்ளது. முதலமைச்சர் மு.க ஸ்டாலின் கொளத்தூர் சட்டமன்ற தொகுதியில் தோல்வியை சந்தித்துள்ளார்.
இந்நிலையில், தமிழ்நாட்டில் தி.மு.க.வின் தோல்விக்கு இளைஞர்தான் காரணம் என கர்நாடக காங்கிரஸ் முதலமைச்சர் சித்த ராமையா தெரிவித்துள்ளார்.

மம்தா பானர்ஜி தோல்வி ஏன்?

கர்நாடக முதலமைச்சர் சித்த ராமையா பெங்களூருவில் செய்தியாளர்களை சந்தித்தார். அப்போது அவரிடம், மேற்கு வங்கத்தில் மம்தா பானர்ஜியின் தோல்விக்கு என்ன காரணம் என செய்தியாளர்கள் கேள்வியெழுப்பினார்கள்.

இதற்குப் பதிலளித்த சித்த ராமையா, “15 ஆண்டுகளாக தொடர்ந்து முதலமைச்சராக மம்தா பானர்ஜி இருந்தார். இதனால் ஆளுங்கட்சிக்கு எதிர்ப்பு ஏற்பட்டிருக்கலாம். மேலும், வாக்காளர் சிறப்பு தீவிர திருத்தம் காரணமாக 91 லட்சம் வாக்குகள் வரை நீக்கப்பட்டன. இதுவும் ஓர் காரணமாக இருக்கலாம்” என்றார்.

தமிழ்நாட்டில் ஆட்சி மாற்றம்

தொடர்ந்து தமிழ்நாட்டில் ஆட்சி மாற்றம் தொடர்பான கேள்விக்கு பதிலளித்த சித்த ராமையா, “தமிழக வெற்றிக் கழக நிறுவனர் விஜய்க்கு இளைஞர்களின் வாக்கு பெருமளவு கிடைத்துள்ளது; இதுதான் ஆட்சி மாற்றம் நிகழ காரணம்” என்றார்.
மேலும், கேரளத்தில் காங்கிரஸ் எதிர்பார்ப்புகளை கடந்து வெற்றிப் பெற்றுள்ளது“ எனவும் சித்த ராமையா கூறினார்.

இதையும் படிங்க : விஜய்க்கு ஆதரவு அளிப்பீர்களா? தொல். திருமாவளவன் பதில்!