உடலுக்கு ஆரோக்கியம்.. முடக்கத்தான் கீரை தோசை செய்வது எப்படி?

Food: உடலுக்கு ஆரோக்கியத்தை கொடுக்கும் சுவையான முடக்கத்தான் கீரை தோசை இந்த முறையில் செய்து பாருங்க மிகவும் சுவையாக இருக்கும்.

முடக்கத்தான் கீரை தோசை

ByPushpa Gopinath

Published on: March 10, 2026 at 9:30 am

Updated on: March 9, 2026 at 11:25 pm

சென்னை, மார்ச் 10, 2026: முடக்கத்தான் கீரையை பயன்படுத்தி உடலுக்கு வலிமை தரும் ஆரோக்கியமான தோசை எப்படி செய்யலாம் என்று பார்க்கலாம்.

தேவையான பொருள்கள்

முடக்கத்தான் கீரை – 2 கப்
புழுங்கல் அரிசி – 1 கப்
உளுந்து -1 டீஸ்பூன்
வெந்தயம் – 1 டீஸ்பூன்
துவரம் பருப்பு – 2 டீஸ்பூன்
எண்ணெய் – தேவையான அளவு
உப்பு – தேவையான அளவு

செய்முறை

ஒரு பாத்திரத்தில் அரிசி, உளுந்து, வெந்தயம், துவரம் பருப்பு ஆகியவற்றை நன்கு கழுவி ஒன்றாக சேர்த்து ஒரு மணிநேரம் ஊறவைக்கவும். பின்னர் இதனை கிரைண்டரில் போட்டு அரைத்து எடுக்கவும். மாவு அரைக்கும் போது இரண்டு மூன்று முறை தண்ணீரில் சுத்தம் செய்த முடக்கத்தான் கீரையையும் சேர்த்து நைசாக அரைக்கவும்.

நன்கு அரைத்த பின்னர் வேறு பாத்திரத்தில் மாற்றி தேவையான அளவு உப்பு சேர்த்து அதன் பிறகு உப்பு சேர்த்து தோசை மாவு பதத்துக்கு கரைத்து வைக்கவும். இதனை 7 மணிநேரம் புளிக்க வைத்து எடுத்துக் கொள்ளவும். இப்போது தோசை தவாவில் ஒரு கரண்டி மாவு ஊற்றி இரண்டு 2 பக்கமும் சிறிது எண்ணெய் ஊற்றி எடுத்தால் ஆரோக்கியமான முடக்கத்தான் கீரை தோசை ரெடி..

இதையும் படிங்க: காரசாரமான கருவாட்டு குழம்பு.. இப்படி ட்ரை பண்ணுங்க!