ஈரான் புதிய உச்ச தலைவர்.. யார் இந்த மொஜ்தபா?

Mojtaba Khamenei: ஈரானின் உச்ச தலைவர் ஆயத்துல்லா அலி காமேனி உயிரிழந்ததைத் தொடர்ந்து, ஈரான் புதிய உச்சத் தலைவராக மொஜ்தபா காமேனி நியமிக்கப்பட்டுள்ளார். யார் இவர்?

ஈரான் புதிய உச்சத் தலைவர் மொஜ்தபா காமேனி

BySaranya JK

Published on: March 9, 2026 at 1:12 pm

தெஹ்ரான், மார்ச் 9, 2026: அமெரிக்கா மற்றும் இஸ்ரேல் தலைமையில் நடைபெறும் ‘ஆபரேஷன் எபிக் ஃப்யூரி’ பத்தாவது நாளில் நுழைந்துள்ள நிலையில், ஈரான் புதிய உச்சத் தலைவரை நியமித்துள்ளது. அதாவது, ஈரான் அரசின் ஊடகங்கள், “ஆயத்துல்லா அலி காமேனி (அமெரிக்கா–இஸ்ரேல் தாக்குதலில் உயிரிழந்தவர்) அவரின் வாரிசாக மொஜ்தபா காமனெயி பொறுப்பேற்கிறார்” என்று தெரிவித்துள்ளன.

இந்த நிலையில், இஸ்ரேல், எந்த வாரிசரையும் குறிவைத்து தாக்கும் என்று எச்சரிக்கை விடுத்துள்ளது. இதற்கிடையில், ஐக்கிய அரபு எமிரேட்ஸில் ஈரான் தாக்குதல்கள் அபுதாபியை நேற்றும் குறிவைத்தன; ஏவுகணைகள் தடுக்கப்பட்டன. பிப்ரவரி 28ஆம் தேதி முதல், அமெரிக்கா–இஸ்ரேல் கூட்டணி ஈரானின் ஏவுகணை திறனையும் முக்கிய தலைமைமைப்புகளையும் அழிக்கும் நோக்கில் தொடர்ச்சியான வான் தாக்குதல்களை நடத்தி வருகிறது.

இதையும் படிங்க: பரபரக்கும் பஹ்ரைன்.. மிகப்பெரிய எண்ணெய் சுத்திகரிப்பு ஆலை மீது ஈரான் தாக்குதல்!

இந்த நிலையில், ஈரான் வளைகுடா நாடுகள் உட்பட பிராந்திய இலக்குகளை குறிவைத்து தாக்குதல்களை மேற்கொண்டு, மேற்கு ஆசியாவில் நெருக்கடியை தீவிரப்படுத்தியுள்ளன. இதற்கிடையில், அமெரிக்க இராணுவம், ஈரான் பொதுமக்கள் வீட்டுக்குள் இருக்குமாறு அறிவுறுத்தியுள்ளது.

கடலில் நிலைமை மிகக் கடுமையாக உள்ளது. ஹோர்முஸ் நீரிணை பெரும்பாலான வணிகக் கப்பல்களுக்கு கடத்த முடியாத நிலையில் உள்ளது. அதிகாரப்பூர்வமாக மூடப்படவில்லை என்றாலும், அபாயம் காரணமாக கப்பல் போக்குவரத்து 80 சதவீதம் குறைக்கப்பட்டுள்ளது. முக்கிய கப்பல் நிறுவனங்கள் தங்கள் பயணங்களை நிறுத்தியுள்ளன; போர் அபாயக் காப்பீட்டு கட்டணங்கள் அதிகரித்ததால், உலகளாவிய நாடுகள் மாற்று வழிகளை தேடுகின்றன.

இதையும் படிங்க: ஆறு மாதங்கள் கடும் போர் நடத்த முடியும்: அமெரிக்காவுக்கு ஈரான் பதில்