வெளியூர் போறீங்களா, ஈஸியா பொட்டலம் கட்டலாம்: லெமன் ரைஸ் இப்படி ட்ரை பண்ணுங்க!

Food | ரயில் பயணம், சுற்றுலா, வெளியூர் திருவிழா என குடும்பத்தோடு செல்லும் பெரும்பாலான நபர்களின் விருப்ப தேர்வு எலுமிச்சை சோறு ஆகும். இந்த லெமன் ரைஸ்-ஐ செஃப் தாமு ஸ்டையில் எப்படி செய்யலாம் என்று பார்க்கலாம்.

தேவையான பொருட்கள் :

வேகவைத்த அரிசி – 1 கப்
எலுமிச்சை – 2
முந்திரி-10
மிளகாய் – 2
கறிவேப்பிலை
நல்லெண்ணெய் –
கடுகு – 1 டீஸ்பூன்
கடலைப்பருப்பு – 2 டீஸ்பூன்
உளுத்தம் பருப்பு – 2 டீஸ்பூன்
பெருங்காயத்தூள் – அரை டீஸ்பூன்
மஞ்சள் தூள் – அரை டீஸ்பூன்
நிலக்கடலை – 20 கிராம்
உப்பு- தேவையான அளவு

செய்முறை:

முதலில் ஒரு கடாயில் நல்லெண்ணெய் ஊற்றி எண்ணெய் காய்ந்ததும் அதில் கடுகு மற்றும் பெருங்காயத்தூள் சேர்த்துக் கொள்ள வேண்டும். கடுகு பொரிந்ததும் அதனுடன் கடலைப்பருப்பு மற்றும் உளுந்தம் பருப்பு சேர்த்து அடுப்பை சிம்மில் வைத்து வறுக்க வேண்டும். இவை சிவந்து வந்ததும் இதனுடன் முந்திரி பருப்பு மற்றும் வேர்க்கடலை சேர்க்க வேண்டும்.

பின்னர் இவை சிவந்து வந்ததும் இதனுடன் பச்சை மிளகாய் மற்றும் கறிவேப்பிலை சேர்த்து நன்கு வறுக்க வேண்டும். இதனுடன் மஞ்சள் தூள் சேர்த்து அடுப்பை ஆப் செய்ய வேண்டும். மேலும், எலுமிச்சை சாறு மற்றும் தேவையான அளவு உப்பு சேர்த்து கிளறி விட வேண்டும். பின்னர் வடித்த சாதத்தை இந்த கலவையுடன் சேர்ந்து நன்கு கிளறி விட வேண்டும். இப்போது சுவையான லெமன் ரைஸ் ரெடி.

இதையும் படிங்க : இரண்டே இரண்டு தக்காளி போதும்.. சுவையான ரசம் ரெடி!

திராவிடன் டைம்ஸின் செய்திகளை உடனுக்குடன் தெரிந்துக்கொள்ள

வாட்ஸ்அப்

ட்விட்டர் 

இன்ஸ்டாகிராம்