தேசிய கணிதவியல் தினம்.. யார் இந்த ராமானுஜம்? இதன் சிறப்பு என்ன?

National Mathematics Day : இன்று (டிச.22) தேசிய கணிதவியல் தினம் கொண்டாடப்படுகிறது.

ஸ்ரீனிவாச ராமானுஜம்

ByPushpa Gopinath

Published on: December 22, 2025 at 12:54 pm

Updated on: December 22, 2025 at 5:55 pm

சென்னை, டிச.22, 2025: ஸ்ரீனிவாச ராமானுஜன் பிறந்தநாள் நினைவாக தேசிய கணிதவியல் தினம் கொண்டாடப்படுகிறது. இந்தியாவின் புகழ்பெற்ற மற்றும் உலகளவில் அங்கீகரிக்கப்பட்ட கணிதவியலாளர் ஸ்ரீனிவாச ராமானுஜத்தின் பிறந்த நாளை முன்னிட்டு, இன்று தேசிய கணித தினம் நாடு முழுவதும் கொண்டாடப்படுகிறது.

கல்வி மற்றும் ஆராய்ச்சி நிறுவனங்களில் நிகழ்வுகள்

கல்வி நிறுவனங்கள், ஆராய்ச்சி மையங்கள் மற்றும் அகாடமிக் அரங்கங்களில் கணிதத்தின் முக்கியத்துவத்தை வலியுறுத்தும் நிகழ்ச்சிகள் நடைபெறுகின்றன. அறிவியல் முன்னேற்றத்திலும், அன்றாட வாழ்க்கையிலும் கணிதத்தின் பங்கு சிறப்பாக எடுத்துக்கூறப்படுகிறது.

அரசு அறிவிப்பு

இந்திய அரசு, 2011 டிசம்பரில் தேசிய கணித தினத்தை அதிகாரப்பூர்வமாக அறிவித்தது. டிசம்பர் 22 அன்று, ராமானுஜனின் கணிதத்திற்கான அசாதாரண பங்களிப்பை நினைவுகூர்ந்து, தேசிய கணித தினமாகக் கொண்டாடப்படுகிறது. 2012 ஆம் ஆண்டு, நாடு முழுவதும் தேசிய கணித ஆண்டு எனக் கொண்டாடப்பட்டது.

ராமானுஜனின் பாரம்பரியம்

டிசம்பர் 22, ராமானுஜனின் பிறந்த நாளாகும். நூற்றாண்டுக்கு மேலாக, அவரது கணிதப் பணி, இன்றும் நவீன கணிதத்துக்கு ஆழ்ந்த தாக்கத்தை ஏற்படுத்தி வருகிறது.

இதையும் படிங்க : டெல்லியில் டாக்டர் பட்டம்.. ஓய்வு வங்கி அதிகாரி என். மோகனுக்கு கௌரவம்!