Delhi Red Fort Blast: பலி எண்ணிக்கை 13 ஆக உயர்வு.. அமித் ஷா தலைமையில் உயர் மட்ட கூட்டம்!

Delhi Red Fort Blast: டெல்லி செங்கோட்டை அருகே நடந்த கார் வெடிப்பில் பலியானவர்களின் எண்ணிக்கை 13 ஆக உயர்ந்துள்ளது.

டெல்லியில் கார் வெடிப்பு

ByPushpa Gopinath

Published on: November 11, 2025 at 12:11 pm

புதுடெல்லி, நவ.11, 2025: டெல்லியில் உள்ள செங்கோட்டை மெட்ரோ நிலையம் அருகே திங்கள்கிழமை மாலை (நவ.10) ஒரு காரில் ஏற்பட்ட குண்டுவெடிப்பில் நிகழ்விடத்திலே குறைந்தது எட்டு பேர் கொல்லப்பட்டனர். மேலும், 20 க்கும் மேற்பட்டோர் காயமடைந்ததாக அதிகாரிகள் தெரிவித்தனர். இது தொடர்பாக, விசாரணை நடந்து வருகிறது. இந்நிலையில், செங்கோட்டை 3 நாள்களுக்கு மூடப்பட்டுள்ளது.

இதற்கிடையில், இந்தக் குண்டுவெடிப்பு அதிக தீவிரம் கொண்டதாக இருந்ததாகவும், ஜன்னல்கள் உடைந்து கட்டிடங்கள் நடுங்கியதாகவும் நேரில் பார்த்தவர்கள், கடைக்காரர்கள் மற்றும் குண்டுவெடிப்பு நடந்த இடத்திற்கு அருகில் இருந்தவர்கள் தெரிவித்தனர். டெல்லி காவல்துறையின் கூற்றுப்படி, வெடிப்புக்கு சில நிமிடங்களுக்கு முன்பு செங்கோட்டை அருகே மெதுவாக நகரும் வாகனம் சிவப்பு விளக்கில் நின்றது. “மாலை 6.52 மணியளவில், மெதுவாக நகரும் வாகனம் சிவப்பு விளக்கில் நின்றது. அந்த வாகனத்தில் வெடிப்பு ஏற்பட்டது, மேலும் வெடிப்பு காரணமாக, அருகிலுள்ள வாகனங்களும் சேதமடைந்தன,” என்றனர்.

இந்நிலையில், மத்திய உள்துறை அமைச்சர் அமித் ஷா, குண்டுவெடிப்பு ஒரு i20 காரில் நடந்ததாகக் கூறினார். “இன்று மாலை 7 மணியளவில், டெல்லியில் உள்ள செங்கோட்டை அருகே உள்ள சுபாஷ் மார்க் போக்குவரத்து சிக்னலில் ஹூண்டாய் i20 காரில் வெடி விபத்து ஏற்பட்டது. இந்த குண்டுவெடிப்பில் சில பாதசாரிகள் காயமடைந்தனர் மற்றும் சில வாகனங்கள் சேதமடைந்தன. சிலர் உயிரிழந்ததாக முதற்கட்ட தகவல்கள் தெரிவிக்கின்றன,” என்று ஷா கூறினார், குண்டுவெடிப்பு தொடர்பான அனைத்து கோணங்களையும் டெல்லி காவல்துறை, என்.ஐ.ஏ, என்.எஸ்.ஜி (NSG) மற்றும் தடயவியல் சேவைகள் குழுக்கள் விசாரித்து வருவதாகவும் கூறினார்.

இதற்கிடையில், டெல்லி தீயணைப்புத் துறையின் கூற்றுப்படி, மாலை 6:55 மணியளவில் கார் வெடிப்பு தொடர்பாக பல அழைப்புகள் வந்தன. இதைத் தொடர்ந்து, தீயை அணைக்க ஏழு தீயணைப்பு வாகனங்கள் சம்பவ இடத்திற்கு விரைந்தன. கடைசியாக நடந்த குண்டுவெடிப்பு தொடர்பான விசாரணை தொடர்ந்து நடைபெற்று வரும் நிலையில், குண்டுவெடிப்பு தொடர்பாக செவ்வாய்க்கிழமை காலை 9:30 மணியளவில் மத்திய உள்துறை அமைச்சர் அமித் ஷா தலைமையில் உயர்மட்டக் கூட்டம் நடைபெறவுள்ளது. இந்த நிலையில் குண்டு வெடிப்பில் உயிரிழந்தவர்களின் எண்ணிக்கை 13 ஆக அதிகரித்துள்ளது.

இதையும் படிங்க : 350 கிலோ ஆர்.டி.எக்ஸ்? ஜம்மு டூ ஹரியானா.. இரு மருத்துவர்கள் கைது!