இன்று சூரிய கிரகணம்.. இந்தியாவில் தெரியுமா? நேரம் என்ன? முழு விவரம்!

solar eclipse: சூரிய கிரகணம் இன்று (செப்.21, 2025) நடைபெறுகிறது. நேரம் என்ன? எப்படி பார்ப்பது?

சூரிய கிரகணம்

ByRajeswari Thayanithi

Published on: September 21, 2025 at 11:15 am

Updated on: September 21, 2025 at 11:24 am

புதுடெல்லி, செப்.21, 2025: நடப்பாண்டின் கடைசி சூரிய கிரகணம் இன்று (செப். 21, ஞாயிற்றுக்கிழமை) நடைபெற உள்ளது. இந்நிகழ்வு உலகின் சில பகுதிகளில் தெரியும். இந்த நிகழ்வை காண பலரும் காத்திருக்கிறார்கள்.

சூரிய கிரகணம் எப்படி நிகழ்கிறது?

பூமிக்கும் சூரியனுக்கும் இடையில் சந்திரன் கடந்து செல்லும் போது சூரிய கிரகணம் ஏற்படுகிறது. இதனால் சூரியனின் ஒளியில் சில அல்லது அனைத்தும் பூமியை அடைவதைத் தடுக்கிறது.சூரியனின் ஒரு பகுதியை மட்டுமே சந்திரன் மறைக்கும் போது பகுதி சூரிய கிரகணம் ஏற்படுகிறது.

சூரிய கிரகண நேரம்

சூரிய கிரகணம் இன்று இரவு 10:59 மணிக்கு (EDT மதியம் 1:29) தொடங்கி அதிகாலை 3:23 மணிக்கு (EDT மதியம் 5:53) முடிவடையும்.அதிகபட்ச கிரகணம், சந்திரன் சூரியனின் பெரும்பகுதியை மறைக்கும் ஒரு கட்டம், அதிகாலை 1:11 மணிக்கு (EDT மதியம் 3:41) நிகழும் எனத் தெரிவிக்கப்பட்டுள்ளது.

ஸ்பேஸ்.காம் படி, இந்த சூரிய கிரகணம் அண்டார்டிகாவில் காலை 4:49 முதல் மாலை 6:53 வரை (உள்ளூர் நேரம்), ஆஸ்திரேலியாவில் காலை 6:13 முதல் காலை 7:36 வரை மற்றும் நியூசிலாந்தில் காலை 5:41 முதல் காலை 8:36 வரை தெரியும் எனத் தெரிவிக்கப்பட்டுள்ளது.

இந்தியாவில் தெரியுமா?

இந்தக் கிரகணம், சூரிய அஸ்தமனத்திற்குப் பிறகு – கிரகணம் ஏற்படுவதால், இந்தியாவில் கிரகணம் தெரியாது.

அடுத்த சூரிய கிரகணம்

அடுத்த கிரகணம் அடுத்த ஆண்டு பிப்ரவரி 17, 2026 அன்று நிகழும். இது அண்டார்டிகாவில் தெரியும் ஒரு வளைய சூரிய கிரகணமாக தெரியும்.மேலும், ஆப்பிரிக்கா, தென் அமெரிக்கா, பசிபிக் பெருங்கடல், அட்லாண்டிக் பெருங்கடல் மற்றும் இந்தியப் பெருங்கடலில் பகுதி கிரகணமாகவும் தெரியும் எனத் தெரிவிக்கப்பட்டுள்ளது.

இந்நிலையில், 2026 ஆம் ஆண்டின் இரண்டாவது கிரகணம் ஆகஸ்ட் மாதத்தில் நிகழும். இது முழு சூரிய கிரகணமாக இருக்கும்.

இதையும் படிங்க :விண்வெளி செல்லும் இந்தியர்கள்.. டிசம்பரில் நிலவு பயணம்? ஐ.எஸ்.ஆர்.ஓ நாராயணன் பேட்டி!