சமந்தா-ராஜ் ரிலேஷன்ஷிப் உண்மையா? திடீர் வைரலான புகைப்படம்!

Samantha Ruth Prabhu: நடிகை சமந்தா மற்றும் இயக்குநர் ராஜ் நிதிமோறு இடையே காதல் இருப்பதாக வதந்திகள் பரவியுள்ளன.

நடிகை சமந்தா

Samantha Ruth Prabhu with director raj Nidimoru photo goes viral

ByAkila Ramakrishnan

Published on: May 8, 2025 at 7:25 pm

சென்னை, மே 08 2025: தமிழ், தெலுங்கு, மலையாளம் என தென்னிந்திய சினிமாவின் முன்னனி நடிகையாக வலம் வருபவம் நடிகை சமந்தா. மையோசிடிஸ்’ என்ற அரியவகை நோய் காரணமாக சிகிச்சை பெற்று வந்த நிலையில், சிறிது இடைவெளி விட்டு தற்போது மீண்டும் நடிப்பை தொடங்கியுள்ளார்.

நடிகை சமந்தா நடிகர் நாக சைதன்யா காதலித்து திருமணம் செய்து கொண்ட நிலையில், இவர்கள் 4 ஆண்டுகளுக்கு பின்னர் விவாகரத்து பெற்றனர். நாக சைதன்யா நடிகை சோபிதாவை இரண்டாவதாக திருமணம் செய்து கொண்டார்.

இந்நிலையில், நடிகை சமந்தா மற்றும் இயக்குநர் ராஜ் நிதிமோறு இடையே காதல் இருப்பதாக வதந்திகள் பரவியுள்ளன. நடிகை சமந்தா சமீபத்தில் தனது இன்ஸ்டாகிராம் பக்கத்தில் “புதிய தொடக்கம்” என்று பதிவிட்டு சில புகைப்படங்களை பகிர்ந்துள்ளார். அதில் ராஜ் நிதிமோறும், அவரது செல்லப்பிராணிகளும், மற்றும் நண்பர்களும் இடம்பெற்றுள்ளனர் .

இந்த புகைப்படங்களில், சமந்தா மற்றும் ராஜ் நிதிமோறு ஒரு செல்ஃபி போஸ் கொடுப்பது, மேலும் ராஜ் நிதிமோறு சமந்தாவின் செல்லப்பிராணியுடன் விளையாடுவது போன்ற காட்சிகள் உள்ளன. இந்தப் புகைப்படங்கள் வைரலாக பரவி வருகின்றன.

சமந்தா மற்றும் ராஜ் நிதிமோறு முன்னதாக “தி ஃபாமிலி மேன் 2” மற்றும் “சிடாடெல்: ஹனி பன்னி” போன்ற வெப் சீரிஸில் இணைந்து பணியாற்றியுள்ளனர். தற்போது, அவர்கள் “ராக்த் பிரமாண்ட்” என்ற புதிய பிராஜெக்ட்டில் மீண்டும் கூட்டணி அமைத்துள்ளனர் .

இதோடு, சமந்தா தனது முதல் தயாரிப்பு முயற்சியான “சுபம்” திரைப்படத்தை மே 9 அன்று வெளியிட உள்ளார். இந்தப் படத்தின் முன்னோட்ட நிகழ்வுகளில் ராஜ் நிதிமோறு பங்கேற்ற புகைப்படங்களும் சமூக ஊடகங்களில் பரவி வருகின்றன.

இதுவரை இருவரும் தங்கள் உறவுக்கான ஊகங்களை உறுதிப்படுத்தவோ, மறுக்கவோ இல்லை. எனினும், சமந்தாவின் சமீபத்திய பதிவுகள் மற்றும் இருவரின் கூட்டணி, ரசிகர்களிடையே உறவுக்கான ஊகங்களை மேலும் வலுப்படுத்தியுள்ளது.

இதையும் படிங்க விவாகரத்தான நடிகருடன் சீதாராமம் பட நடிகை காதலா? பற்றி எரியும் பாலிவுட்!