ஆறு மாதம் வெயிட்டிங்.. ஜனநாயகன் பட குழுவை விமர்சித்த சனம் செட்டி..!

Actress Sanam Shetty: நடிகர் விஜய்யின் ஜனநாயகன் திரைப்பட குழுவை விமர்சித்து நடிகை சனம் செட்டி வீடியோ ஒன்றை பதிவேற்றியுள்ளார். இது விஜய் ரசிகர்கள் மத்தியில் கொந்தளிப்பை ஏற்படுத்தி உள்ளது.

நடிகை சனம் செட்டி

Actress Sanam Shetty says she is being denied opportunities to act in films

ByAkila Ramakrishnan

Published on: May 4, 2025 at 6:32 pm

சென்னை 4 2025: தமிழ் சினிமாவில் வெளிப்படையாக பேசும் நடிகர்களில் ஒருவர் சனம் செட்டி. இவர் பாலியல் விவகாரங்கள் முதல் மக்கள் சந்திக்கும் பிரச்சனைகள் வரை தைரியமாக எடுத்து வைப்பவர்.
மேலும் அண்மையில் மக்கள் பெரிதளவு பாதிக்கப்பட்ட சைபர் தாக்குதல் குறித்தும் அது குறித்த விழிப்புணர்வுகள் குறித்தும் செட்டி பதிவிட்டு இருந்தார்.

நடிகை சனம் செட்டியை பொருத்தமட்டில் அம்புலி, கதம் கதம், சதுரம்-2, வால்டர் மற்றும் ஊமை சென்னை போன்ற திரைப்படங்களில் நடித்துள்ளார். இதற்கிடையில் சமூக வலைதளங்களில் ஜனநாயகன் படக்குழு குறித்து சனம் செட்டி வீடியோ ஒன்றை பதிவேற்றி உள்ளார். இந்த வீடியோ விஜய் ரசிகர்கள் மத்தியில் கொந்தளிப்பை ஏற்படுத்தி உள்ளது.

View this post on Instagram

A post shared by Sanam Shetty (@sam.sanam.shetty)

அதில் சனம் செட்டி, ” விஜயின் கடைசி படமான ஜனநாயகனில் நடிக்க நான் கிட்டத்தட்ட ஆறு மாத காலமாக காத்திருந்து வருகிறேன். எனது விருப்பத்தை படத்தின் உதவி இயக்குனரிடம் நான் ஏற்கனவே தெரிவித்திருந்தேன். ஆனால் உண்டு, இல்லை என எந்த பதிலும் கூறாமல் அவர்கள் என்னை காத்திருக்க வைக்கின்றனர். படத்தில் நடிக்க அனுமதி கொடுப்பேன் அல்லது கொடுக்க மாட்டேன் எனக் கூற எத்தனை மாதங்கள் தேவைதானா?

படத்தின் இயக்குனர் என்ன விண்வெளியிலையா இருக்கிறார்? என கேள்வி எழுப்பி உள்ளார். மேலும் சினிமாவில் மார்க்கெட் உள்ள நடிகைகளுக்கு வரவேற்பு இருப்பதாகவும் மார்க்கெட் இழந்த நடிகைகளை கண்டு கொள்வதில்லை எனவும் அவர் புலம்பியுள்ளார். இந்த வீடியோவுக்கு சமூக வலைதளங்களில் ஆதரவும் எதிர்ப்பும் ஒரு சேர கிடைத்துள்ளது.

இதையும் படிங்க: முதல் காதல் குறித்து மனம் திறந்த நடிகை வேதிகா.. யாரிடம் மயக்கம் கொண்டார்?