வெளிநாட்டில் கார் பந்தயம்; விபத்தில் சிக்கிய அஜித் குமார் கார்.. சிறிய காயம் எனத் தகவல்!

Ajith Kumar car accident: ஜிடி 4 யூரோப்பியன் சீரிஸ் கார் பந்தயத்தின்போது அஜித் குமாரின் கார் விபத்தில் சிக்கியது.

விபத்தில் சிக்கிய அஜித் குமார் கார்

ByAkila Ramakrishnan

Published on: April 19, 2025 at 12:57 pm

தமிழ் சினிமாவின் முன்னணி நடிகர்களில் ஒருவரும் சிறந்த கார் பந்தய வீரருமான அஜித்குமார் நடிப்பில் சமீபத்தில் வெளியான குட் பேட் அக்லி திரைப்படம் ரசிகர்களிடையே சிறந்த வரவேற்பை பெற்றுள்ளது. படம் வெளியான கையோடு அஜித்குமார் கார் பந்தய பயிற்சியில் ஈடுபட்டு வருகிறார்.

இந்த ஆண்டு துவக்கத்தில் துபாயில் நடைபெற்ற கார்பந்தய போட்டியில் அவரது அணி மூன்றாவது இடம் பிடித்தது. சமீபத்தில் இத்தாலியில் நடைபெற்ற பன்னிரண்டாவது மிச்சலின் முகெல்லோ கார்பந்தயத்திலும் அஜித்குமார் அணி மூன்றாம் இடம் பிடித்து அசத்தியது.

இந்நிலையில் தற்போது ஜிடி 4 யூரோப்பியன் சீரிஸ் கார் பந்தயத்தில் அஜித் கலந்து கொண்டுள்ளார். இந்த போட்டியின் போது அஜித்தின் கார் விபத்தில் சிக்கியது. இதில் சிறிய காயத்துடன் அஜித் உயிர் தப்பினார்.

இதுகுறித்த வீடியோ சமூக வலைதளங்களில் வைரலாக பரவி வருகிறது. கடந்த முறை நடந்த போட்டியின் போதும் பயிற்சியின் போது அஜித்குமாரின் கார் விபத்தில் சிக்கி அவர் சிகிச்சை பெற்று திரும்பினார் என்பது குறிப்பிடத்தக்கது.

இதையும் படிங்க துணிவு வசூல் முறியடிப்பு: குட் பேட் அக்லி ஒரு வார கலெக்ஷன் என்ன?