AR Rahman’s wife: ஏ.ஆர். ரஹ்மான் விரைந்து குணமடைய பிரார்த்திக்கிறேன் என அவரது மனைவி சாய்ரா பானு தெரிவித்துள்ளார்.
AR Rahman’s wife: ஏ.ஆர். ரஹ்மான் விரைந்து குணமடைய பிரார்த்திக்கிறேன் என அவரது மனைவி சாய்ரா பானு தெரிவித்துள்ளார்.
Published on: March 16, 2025 at 4:57 pm
பிரபல இசை அமைப்பாளர் ஏ ஆர் ரகுமான் உடல்நல குறைவு காரணமாக சென்னை கிரீம்ஸ் ரோட்டில் உள்ள அப்பல்லோ மருத்துவமனையில் அனுமதிக்கப்பட்டார். அவருக்கு நீர்ச்சத்து குறைபாடு இருப்பதாக தகவல்கள் வெளியாகின.
முன்னதாக ஏ ஆர் ரகுமான் நெஞ்சுவலி காரணமாக மருத்துவமனையில் அனுமதிக்கப்பட்டதாக செய்திகள் வெளியாகி அவரது ரசிகர்களை கலங்கடித்தன.
இந்த நிலையில் மருத்துவமனையின் அறிக்கையில் ஏ ஆர் ரகுமானுக்கு நீர் சத்து குறைபாடு இருப்பதும் வழக்கமான பரிசோதனைக்கு பின்னர் அவர் வீடு திரும்பியதும் தெரிவிக்கப்பட்டு இருந்தது.
இதற்கிடையில் ஏ ஆர் ரகுமானின் முன்னாள் மனைவி சாய்ரா பானு, ஏ ஆர் ரகுமான் விரைந்து குணமடைய பிரார்த்திப்பதாக தெரிவித்துள்ளார்.
முன்னாள் மனைவி என அழைக்க வேண்டாம்: சாய்ரா பானு
ஏ ஆர் ரகுமானின் முன்னாள் மனைவி சாய்ரா பானுவின் வழக்கறிஞர் வந்தனா ஷா இது தொடர்பாக விடுத்துள்ள அறிக்கையில், “அவர் (ஏ.ஆர். ரஹ்மான்) விரைவில் குணமடைய வாழ்த்துகிறேன். அவருக்கு நெஞ்சு வலி ஏற்பட்டு ஆஞ்சியோபிளாஸ்டி செய்யப்பட்டதாக செய்தி கிடைத்தது. கடவுளின் அருளால், அவர் இப்போது நலமாக இருக்கிறார்.
நாங்கள் அதிகாரப்பூர்வமாக விவாகரத்து செய்யவில்லை என்றும், நாங்கள் இன்னும் கணவன் மனைவி என்றும் நான் கூற விரும்புகிறேன். கடந்த சில வருடங்களாக எனக்கு உடல்நிலை சரியில்லாததாலும், அவரை மன அழுத்தத்திற்கு ஆளாக்க விரும்பாததாலும் நாங்கள் பிரிந்துவிட்டோம்.
என்னை அவரது முன்னாள் மனைவி என்று அழைக்க வேண்டாம் என்று அனைவரையும் கேட்டுக்கொள்கிறேன்.” என தெரிவித்துள்ளார்.
ஏ ஆர் ரகுமான் தனது மனைவி சாய்ரா பானுவை கடந்த ஆண்டு (2025) பிரிந்தார் என்பது நினைவு கூறத்தக்கது.
இதையும் படிங்க : AR Rahman: ஏ.ஆர் ரஹ்மானுக்கு திடீர் நெஞ்சு வலி: சென்னை மருத்துவமனையில் அனுமதி!
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.
© 2024 dravidantimes.com – developed and designed by Thirdvizion.com
