சர்தார் படப்பிடிப்பு.. நடிகர் காயம்.. பரபரப்பு தகவல்கள்!

Actor Karthi injured : சர்தார் இரண்டாம் பாகத்தின் படப்பிடிப்பின் போது நடிகர் கார்த்தி காயமுற்றதாக தகவல்கள் வெளியாகி உள்ளன.

சர்தார் படத்தில் கார்த்தி

ByAkila Ramakrishnan

Published on: March 3, 2025 at 5:35 pm

நடிகர் கார்த்தியின் நடிப்பில் உருவாகி வரும் படம் சர்தார் 2. சர்தார் படத்தில் தொடர்ச்சியாக இரண்டாம் பாகம் உருவாகி வருகிறது. இந்தப் படத்தின் படப்பிடிப்பின் போது நடிகர் கார்த்திக்கு காலில் காயம் ஏற்பட்டதாக தகவல்கள் தெரிவிக்கின்றன.
இது தொடர்பாக வெளியான தகவலில், கர்நாடக மாநிலம் மைசூரில் சர்தார் 2 படத்தின் காட்சிகள் படமாக்கப்பட்டுள்ளன.

அப்போது நடிகர் கார்த்திக்கு காலில் காயம் ஏற்பட்டுள்ளது. இந்தக் காயம் காரணமாக அவரின் கால் வீக்கம் ஏற்பட்டு வலியால் அவர் துடித்துள்ளார். தொடர்ந்து அவருக்கு மருத்துவ சிகிச்சைகள் அளிக்கப்பட்டுள்ள நிலையில், ஒரு வாரம் கட்டாய ஓய்வில் இருக்க வேண்டும் என மருத்துவர்கள் அறிவுறுத்தியுள்ளனர். இதைத்தொடர்ந்து நடிகர் கார்த்தி மற்றும் படக்குழு சென்னை திரும்பி உள்ளது.

சர்தார் இரண்டாம் பாகத்தின் படப்பிடிப்பு பணிகள் மிகவும் விறுவிறுப்பாக நடைபெற்று வருகின்றன. தற்போது வரை சுமார் 80 சதவீத காட்சிகள் படமாக்கப்பட்டு விட்டதாக தகவல்கள் தெரிவிக்கின்றன.
இந்திய உளவுத்துறை தொடர்பான கதை அம்சத்துடன் வெளியான படம் சர்தார். டி எஸ் மித்ரன் இயக்கியிருந்த இந்த படம் தமிழில் மிகப்பெரிய வெற்றியை பெற்றது.

படத்திற்கு யுவன் சங்கர் ராஜா பின்னணி இசை அமைத்திருந்தார். இவர் கார்த்தியுடன் இணைந்து பணியாற்றும் ஏழாவது படம் இதுவாகும்.

இதையும் படிங்க அஜித் குமாரின் அடுத்த படம்.. யார் அந்த இயக்குனர்?