பிரதமர் நரேந்திர மோடிக்கு, ஆர்டர் ஆஃப் த ஸ்டார் விருது.. மொரிஷியஸ் அறிவிப்பு

PM Narendra Modi in Mauritius: பிரதமர் நரேந்திர மோடிக்கு ‘ஆர்டர் ஆஃப் தி ஸ்டார் அண்ட் கீ ஆஃப் இந்தியன் ஓஷன்’ விருது மொரிஷியஸ் நாட்டின் பிரதமரால் வழங்கப்பட்டது.

மொரிஷியஸ் அதிபருடன் பிரதமர் நரேந்திர மோடி

ByDravidan Times Bureau

Published on: March 11, 2025 at 8:43 pm

போர்ட் லூயிஸ் (மொரிஷியஸ்) மார்ச் 11, 2025: மொரிஷியஸ் பிரதமர் நவீன் ராம்கூலம் செவ்வாய்க்கிழமை (மார்ச் 11, 2025) அந்நாட்டின் மிக உயர்ந்த விருதான தி கிராண்ட் கமாண்டர் ஆஃப் தி ஆர்டர் ஆஃப் தி ஸ்டார் அண்ட் கீ ஆஃப் த இந்தியன் ஒசேன் (The Grand Commander of the Order of the Star and Key of the Indian Ocean) விருதை பிரதமர் நரேந்திர மோடிக்கு அறிவித்தார்.

இந்த விருதை பெறும் முதல் இந்தியர் பிரதமர் நரேந்திர மோடி ஆவார்.

இதற்கிடையில், சிறப்பு அடையாளமாக, மொரீஷியஸ் பிரதமர் நவீன் ராம்கூலம் மற்றும் அவரது துணைவியார் வீணா ராம்கூலம் ஆகியோருக்கு வெளிநாட்டு இந்திய குடிமகன் (ஓ.சி.ஐ) அட்டைகளை வழங்குவதாக பிரதமர் நரேந்திர மோடி அறிவித்தார்.

மொரிஷீயஸில் பிரதமர் நரேந்திர மோடி உரை

மொரீஷியஸ் அமைச்சரவை உறுப்பினர்கள், அரசு அதிகாரிகள் மற்றும் தேசிய சட்டமன்ற உறுப்பினர்கள் உட்பட 3,500 க்கும் மேற்பட்டோர் கலந்து கொண்ட நிகழ்வில் இந்த அறிவிப்பு வெளியிடப்பட்டது.
முன்னதாக, மொரீஷியஸ் ஜனாதிபதி தரம்பீர் கோகூல் மற்றும் முதல் பெண்மணி விருந்தா கோகூல் ஆகியோருக்கு பிரதமர் நரேந்திர மோடி ஓ.சி.ஐ அட்டைகளை வழங்கினார்.

தொடர்ந்து உரையாற்றிய பிரதமர் நரேந்திர மோடி, “இந்தியாவிற்கும் மொரீஷியஸுக்கும் இடையிலான ஆழமான வேரூன்றிய கலாச்சார தொடர்பு உள்ளது. இந்த கலாசார ஒருங்கிணைப்பு இதில் தெள்ளந் தெளிவாக தெரிகிறது” என்றார்.

இதையும் படிங்க : மோடி- துளசி கப்பாட் சந்திப்பு.. பயங்கரவாத எதிர்ப்பு குறித்து பேச்சு